Malayalam 
4600 ആളുകള് പങ്കെടുത്തത് പോരെ ? ഒഴിഞ്ഞ കസേരകള് എഐ ദൃശ്യങ്ങള്; അയ്യപ്പസംഗമത്തിന് ആളുകള് കുറവെന്ന വാദത്തെ തള്ളി എംവി ഗോവിന്ദന്
തിരുവനന്തപുരം: ആഗോള അയ്യപ്പസംഗമത്തിന് ആളുകള് കുറവായിരുന്നുവെന്ന് വാദത്തെ തള്ളി സിപിഐഎം സംസ്ഥാന സെക്രട്ടറി എം വി ഗോവിന്ദന്. കളവ് പ്രചരിപ്പിക്കുന്നതിനും അടിസ്ഥാനം വേണം. കള്ളപ്രചരണം നടത്തുന്ന മാധ്യമങ്ങളുണ്ട്. ശുദ്ധ അസംബന്ധമാണ്. നാണവും മാനവും ഇല്ലാതെ പച്ചക്കള്ളം പ്രചരിപ്പിക്കുന്നു. കോണ്ഗ്രസ് ആണ് പ്രചരിപ്പിക്കുന്നത്. 600 ആളുകള് പങ്കെടുത്താല് പോരെയെന്ന് അദ്ദേഹം ചോദിച്ചു. ലോകപ്രശസ്തമായ വിജയമാണ് സംഗമത്തിന്റേത്. ഒഴിഞ്ഞ കസേരകള് എഐ ദൃശ്യങ്ങളാവുമെന്നും എം വി ഗോവിന്ദന് പറഞ്ഞു.
Join with metro post: വാര്ത്തകള് വേഗത്തിലറിയാന് മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ…
ആഗോള അയ്യപ്പ സംഗമം ഫ്ളോപ്പാണെന്ന ആരോപണത്തിന് മറുപടിയുമായി ദേവസ്വം മന്ത്രി വി എന് വാസവന് രംഗത്തെത്തിയിരുന്നു. ചടങ്ങില് പങ്കെടുത്ത ആളുകളുടെ കണക്ക് സഹിതമാണ് മന്ത്രിയുടെ മറുപടി. ആഗോള അയ്യപ്പ സംഗമത്തില് 4126 പേര് പങ്കെടുത്തതായി മന്ത്രി വിശദീകരിച്ചു. സംഘാടകര് പ്രതീക്ഷിച്ചതിനേക്കാള് പങ്കാളിത്തം കൊണ്ട് സംഗമം വലിയ വിജയമായെന്ന് മന്ത്രി കൂട്ടിച്ചേര്ത്തു.
