Malayalam 
തുരങ്കത്തിലെ രക്ഷാദൗത്യം ഇനി അവശേഷിക്കുന്നത് 18 മീറ്റര് മാത്രമെന്ന് അധികൃതര്
ഉത്തരകാശി: ഉത്തരകാശിയിലെ സില്ക്യാരയില് നിര്മാണത്തിലിരുന്ന തുരങ്കം തകര്ന്ന് കുടുങ്ങിയ തൊഴിലാളികളെ രക്ഷിക്കാനുള്ള ശ്രമങ്ങള് വിജയത്തിനരികിലെന്ന് സൂചന. തുരങ്കം തുളയ്ക്കാന് ഇനി 18 മീറ്റര് കൂടി മാത്രമേയുള്ളൂവെന്ന് അധികൃതര് അറിയിച്ചിട്ടുണ്ട്. കൂറ്റന് ആഗര്യന്ത്രം ഉപയോഗിച്ചാണ് തുരങ്കം തുളയ്ക്കുന്നത്. ‘അടുത്ത 24 മണിക്കൂറിനുള്ളില്, അതായത് ഇന്ന് രാത്രിയിലോ അല്ലെങ്കില് നാളെയോ ഒരു വലിയ വാര്ത്ത പ്രതീക്ഷിക്കാം’ രക്ഷാദൗത്യസംഘം അറിയിച്ചു.
Also Read; കണ്ണൂരില് എട്ടാം ക്ലാസുകാരിയുടെ കൈ അധ്യാപകന് തല്ലിയൊടിച്ചതിന് കേസ്
’39 മീറ്റര് ഡ്രില്ലിംഗ് പൂര്ത്തിയായി എന്നതില് എനിക്ക് വളരെ സന്തോഷമുണ്ട്. തൊഴിലാളികള് 57 മീറ്റര് അടിയില് കുടുങ്ങിക്കിടക്കുന്നതായാണ് കണക്കാക്കുന്നത്. ഇനി 18 മീറ്റര് മാത്രമേ അവശേഷിക്കുന്നുള്ളൂ’, എന്നും അപകടം നടന്ന് 11-ാം ദിവസത്തില് തുടരുന്ന രക്ഷാപ്രവര്ത്തനത്തില് ഏറ്റവും കൂടുതല് സമയം ചെലവാകുന്ന പ്രക്രിയ തൊഴിലാളികള്ക്ക് രക്ഷപ്പെടാനുള്ള വഴി നല്കുന്നതിനായി തുരന്ന ദ്വാരങ്ങളിലേക്ക് ഘടിപ്പിക്കാനുള്ള പൈപ്പുകളുടെ വെല്ഡിങ് ആണെന്നും ഉത്തരാഖണ്ഡ് റോഡ് ആന്ഡ് ട്രാന്സ്പോര്ട്ട് വകുപ്പിലെ ഉന്നത ഉദ്യോഗസ്ഥന് മഹമൂദ് അഹമ്മദ് പറഞ്ഞു.
