Malayalam 
സ്ഥാനാര്ഥി നിര്ണയം, സിപിഐയില് പ്രതിസന്ധി; സീറ്റ് തന്നില്ലെങ്കിലും മത്സരരംഗത്തുണ്ടാകും: സി സി മുകുന്ദന്
തൃശ്ശൂര്: നിയമസഭ തെരഞ്ഞെടുപ്പ് അടുത്തിരിക്കെ നാട്ടികയിലെ സ്ഥാനാര്ഥിത്വത്തെ ചൊല്ലി സിപിഐയില് തര്ക്കം രൂക്ഷം. സാമ്പത്തിക സ്വാധീനമാണ് ഗീതാ ഗോപിക്ക് സീറ്റ് നല്കിയതിന് കാരണമെന്നും നാട്ടികയിലേത് പേയ്മെന്റ് സീറ്റ് ആണെന്ന് നിലവിലെ എംഎല്എ സി സി മുകുന്ദന്റെ ആരോപണം. പാര്ട്ടിക്ക് പണം പിരിച്ചു നല്കാന് കഴിവില്ലാത്തതുകൊണ്ടാണ് തന്നെ തഴഞ്ഞതെന്നും സി സി മുകുന്ദന് ആരോപിച്ചു. പാര്ട്ടി സീറ്റ് നല്കിയില്ലെങ്കിലും മത്സരിക്കുമെന്ന് സി സി മുകുന്ദന് വെല്ലുവിളി ഉയര്ത്തുകയും ചെയ്തു.
അടിസ്ഥാന ശമ്പളം വര്ദ്ധിപ്പിക്കണം; നഴ്സുമാരുടെ സമ്പൂര്ണ പണിമുടക്ക് തുടങ്ങി
‘സ്ഥാനാര്ത്ഥിത്വം പരിശോധിക്കണം. എന്നേക്കാള് കൂടുതല് സാമ്പത്തികം അവര്ക്ക് വാങ്ങിക്കൊടുക്കാന് കഴിയും. എനിക്ക് പത്തുരൂപ പാര്ട്ടിക്ക് വാങ്ങിക്കൊടുക്കാന് കഴിഞ്ഞിട്ടില്ല. അതൊരു കുറവായി കണക്കാക്കുന്നു. പാര്ട്ടി സീറ്റ് തന്നില്ലെങ്കിലും സ്ഥാനാര്ത്ഥിയായിട്ടുണ്ടാകും. അതാണ് എന്റെ മനസ്സില്’, സി സി മുകുന്ദന് പറഞ്ഞത്. ഇന്നലെ ചേര്ന്ന സിപിഐ സംസ്ഥാന കൗണ്സിലാണ് സ്ഥാനാര്ത്ഥികളെ തീരുമാനിച്ചത്. നിലവിലെ എംഎല്എ സി സി മുകുനന്ദന് പകരം ഗീതാ ഗോപിയെ മത്സരിപ്പിക്കാനാണ് പാര്ട്ടിയുടെ തീരുമാനം.