Malayalam 
ഡല്ഹിയിലെ ഇന്ദിരാഗാന്ധി അന്താരാഷ്ട്ര വിമാനത്താവളത്തിന്റെ മേല്ക്കൂര തകര്ന്നുവീണ് അപകടം; ആറ് പേര്ക്ക് പരിക്ക്, നിരവധി കാറുകള് തകര്ന്നു
ന്യൂഡല്ഹി: ഡല്ഹി വിമാനത്താവളത്തിന്റെ മേല്ക്കൂര തകര്ന്നുവീണ് അപകടം. ആറ് പേര്ക്ക് പരിക്കേറ്റു. അപകടത്തില് നിരവധി കാറുകള് തകര്ന്നു. വിമാനത്താവളത്തിന്റെ ഒന്നാം ടെര്മിനലിലായിരുന്നു അപകടം നടന്നത്. പുലര്ച്ചെ 5.30ഓടെയായിരുന്നു അപകടം സംഭവിച്ചത്. കനത്ത മഴ തുടരുന്നതിനിടെയായിരുന്നു ഈ അപകടം.
Also Read ; മൂന്ന് വയസുകാരനോട് മുത്തച്ഛന്റെ ക്രൂരത; ചൂട് ചായ ഒഴിച്ച് പൊള്ളിച്ചു
ലോകത്തിലെ ഏറ്റവും തിരക്കേറിയ വിമാനത്താവളങ്ങളിലൊന്നാണ് ഇന്ദിരാഗാന്ധി അന്താരാഷ്ട്ര വിമാനത്താവളം. അപകടത്തില് വിമാനത്താവളത്തിലെ ടെര്മിനലിന്റെ പിക്കപ്പ് ആന്ഡ് ഡ്രോപ്പ് ഏരിയയില് പാര്ക്ക് ചെയ്തിരുന്ന കാറുകള്ക്കാണ് കേടുപാടുകള് സംഭവിച്ചത്. റൂഫ് ഷീറ്റും സപ്പോര്ട്ട് ബീമുകളും തകര്ന്നതായി അധികൃതര് പറഞ്ഞു. ഇരുമ്പ് ബീം വീണ കാറിനുള്ളില് കുടങ്ങിയ ആളെ രക്ഷപ്പെടുത്തി.
ഇന്ന് പുലര്ച്ചെ മുതല് ഉണ്ടായ കനത്ത മഴയെത്തുടര്ന്ന് ഡല്ഹി വിമാനത്താവളത്തിലെ ടെര്മിനല് ഒന്നിന്റെ പഴയ ഡിപ്പാര്ച്ചര് ഫോര്കോര്ട്ടിലെ മേല്ക്കൂരയുടെ ഒരു ഭാഗം തകര്ന്നതായി വിമാനത്താവള അധികൃതര് ഔദ്യോഗിക പ്രസ്താവനയില് അറിയിച്ചു. ‘അപകടത്തില് പരിക്കുകള് റിപ്പോര്ട്ട് ചെയ്യപ്പെട്ടിട്ടുണ്ട്. ദുരിതബാധിതര്ക്ക് ആവശ്യമായ എല്ലാ സഹായവും വൈദ്യസഹായവും നല്കുന്നതിന് വേണ്ടി എമര്ജന്സി ഉദ്യോഗസ്ഥര് പ്രവര്ത്തിക്കുന്നുണ്ട്. അപകടത്തെ തുടര്ന്ന് ടെര്മിനല് ഒന്നില് നിന്നുള്ള എല്ലാ വിമാനങ്ങളും താല്ക്കാലികമായി നിര്ത്തിവച്ചു. സുരക്ഷാ നടപടിയുടെ ഭാഗമായി ചെക്ക്-ഇന് കൗണ്ടറുകള് അടച്ചിട്ടു. സംഭവത്തില് ഞങ്ങള് ആത്മാര്ത്ഥമായി ഖേദിക്കുന്നു, എന്തെങ്കിലും അസൗകര്യം ഉണ്ടായിട്ടുണ്ടെങ്കില് ക്ഷമ ചോദിക്കുന്നു,’ പ്രസ്താവനയില് പറയുന്നു.
Join with metro post : വാർത്തകളറിയാൻ Metro Post ന്യൂസ് ഗ്രൂപ്പിൽ Join ചെയ്യാം
