Malayalam 
സഗൗരവം യുആര് പ്രദീപ്, ദൈവനാമത്തില് രാഹുല് മാങ്കൂട്ടത്തില്; പാലക്കാട്, ചേലക്കര എംഎല്എമാര് സത്യപ്രതിജ്ഞ ചെയ്തു
തിരുവനന്തപുരം: പാലക്കാട്, ചേലക്കര നിയമസഭാ മണ്ഡലങ്ങളില് നിന്നും വിജയക്കൊടി പാറിച്ച എംഎല്എമാര് സത്യപ്രതിജ്ഞ ചെയ്തു. കോണ്ഗ്രസ് നേതാവ് രാഹുല് മാങ്കൂട്ടത്തിലും എല്ഡിഎഫിന്റെ യു ആര് പ്രദീപുമാണ് സത്യപ്രതിജ്ഞ ചെയ്ത് ചുമതലയേറ്റത്. യുആര് പ്രദീപ് ആണ് ആദ്യം സത്യപ്രതിജ്ഞ ചെയ്തത്. സഗൗരവമായിരുന്നു സത്യപ്രതിജ്ഞ. തുടര്ന്ന് രാഹുല് മാങ്കൂട്ടത്തില് സത്യപ്രതിജ്ഞ ചെയ്തു. ദൈവനാമത്തിലായിരുന്നു രാഹുലിന്റെ സത്യപ്രതിജ്ഞ.
Also Read ; സംഭലിലേക്ക് പോയ രാഹുലിനെ തടഞ്ഞു; ഗാസിപൂര് അതിര്ത്തിയില് ബാരിക്കേഡ് വെച്ചും ബസ് കുറുകെയിട്ടും പോലീസ്
ആദ്യമായാണ് രാഹുല് എംഎല്എയാകുന്നത്. രണ്ടാം തവണയാണ് യുആര് പ്രദീപ് എംഎല്എയാകുന്നത്. നിയമസഭ ഹാളില് നടന്ന ലളിതമായ ചടങ്ങിലായിരുന്നു സത്യപ്രതിജ്ഞ നടന്നത്. നിയമസഭ സ്പീക്കര് എഎന് ഷംസീര് സത്യവാചകം ചൊല്ലികൊടുത്തു. മുഖ്യമന്ത്രിയും പ്രതിപക്ഷ നേതാവും അടക്കമുള്ള നേതാക്കള് സംബന്ധിച്ചു.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
