Malayalam 
അഭിഭാഷകനല്ല, പ്രതിക്കാണ് നോട്ടീസ് നല്‍കേണ്ടതെന്ന് അറിയില്ലേയെന്ന് ഞാറക്കല്‍ എസ്‌ഐയോട് ഹൈക്കോടതി
എറണാകുളം: പ്രതിയുടെ അഭിഭാഷകനെ ചോദ്യം ചെയ്യാന്‍ നോട്ടീസ് നല്‍കിയ ഞാറക്കല്‍ എസ്ഐക്കെതിരെ ഹൈക്കോടതിയുടെ രൂക്ഷ വിമര്‍ശനം. ഞാറക്കല്‍ എസ്ഐ അഖില്‍ വിജയകുമാറിനെയാണ് ഹൈക്കോടതി വിമര്‍ശിച്ചത്. ചോദ്യം ചെയ്യാന്‍ അഭിഭാഷകന് നോട്ടീസ് നല്‍കിയതെന്തിനെന്ന് കോടതി ചോദിച്ചു. അഭിഭാഷകനല്ല, പ്രതിക്കാണ് നോട്ടീസ് നല്‍കേണ്ടതെന്ന് അറിയില്ലേ? പോലീസ് ഉദ്യോഗസ്ഥന്റെ നടപടി ഭരണഘടനാ വിരുദ്ധമാണെന്നും ഹൈക്കോടതി നിരീക്ഷിച്ചു.
വക്കീലിന് നോട്ടീസ് നല്‍കാന്‍ പോലീസിന് എന്തധികാരമാണുള്ളതെന്നും കോടതി ചോദിച്ചു. പോലീസ് ഉദ്യോഗസ്ഥന് ചെയ്തത് തെറ്റാണ്. പ്രതി സിഐക്കെതിരെ പരാതി നല്‍കിയതിന്റെ പ്രതികാരമാണ് എസ്ഐയുടെ നോട്ടീസെന്നും കോടതി പറഞ്ഞു. ഞാറക്കല്‍ എസ്ഐ അഖില്‍ വിജയകുമാറിനെ വിളിച്ചുവരുത്തിയായിരുന്നു ഹൈക്കോടതിയുടെ വിമര്‍ശനം.
Join with metro post: വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില്‍ അംഗമാകൂ..
