Malayalam 
തഹാവൂര് റാണ കൊച്ചിയില് എത്തിയത് ഭീകരരെ റിക്രൂട്ട് ചെയ്യാന്; സഹായം നല്കിയത് ആര് എന്നന്വേഷിച്ച് എന്ഐഎ
ഡല്ഹി: തഹാവൂര് റാണയ്ക്ക് കൊച്ചിയിലടക്കം ആര് സഹായം നല്കി എന്നത് അന്വേഷിച്ച് എന്ഐഎ. ഭീകരരെ റിക്രൂട്ട് ചെയ്യാനാണ് കൊച്ചിയില് എത്തിയതെന്ന് റാണ പറഞ്ഞതായി സൂചന. ഇതിനിടെ, റാണയെയും ഹെഡ്ലിലേയും ഇന്ത്യയില് സഹായിച്ച ഒരാളെ എന്ഐഎ കസ്റ്റഡിയിലെടുത്തു. റാണയുടെ നിര്ദ്ദേശപ്രകാരമാണ് ഹെഡ്ലിയെ ഇന്ത്യയില് സ്വീകരിച്ചതെന്നാണ് ഇയാള് മൊഴി നല്കിയത്.
Also Read; മാസപ്പടി കേസ്: എസ്എഫ്ഐഒ സമര്പ്പിച്ച കുറ്റപത്രത്തില് തുടര്നടപടിയുമായി വിചാരണ കോടതി
റാണയുടെ കൂടെ ഇരുത്തി ചോദ്യം ചെയ്യാനായി ഇയാളെ ഡല്ഹിയിലെത്തിച്ചു. അതേസമയം, എഫ് ബി ഐ റെക്കോഡ് ചെയ്ത ഫോണ് കോളുകള് എന്ഐഎക്ക് കൈമാറി. അമേരിക്കയ്ക്ക് നന്ദി പറഞ്ഞ് കേന്ദ്ര വിദേശകാര്യമന്ത്രി എസ് ജയശങ്കര് രംഗത്തെത്തി. ഭീകരവിരുദ്ധ നീക്കങ്ങളില് ഇത് നിര്ണ്ണായ ചുവടെന്നും എസ് ജയശങ്കര് പറഞ്ഞു. മുംബൈ ഭീകരാക്രമണ കേസില് തഹാവൂര് റാണയുടെ ചോദ്യം ചെയ്യല് തുടരുകയാണ്. ഇന്നലെ മൂന്നുമണിക്കൂര് മാത്രമാണ് റാണയെ ചോദ്യം ചെയ്തതെന്നാണ് വിവരം. ചോദ്യം ചെയ്യലില് പല കാര്യങ്ങളോടും വ്യക്തമായ പ്രതികരണം റാണ നല്കുന്നില്ല.
Join with metro post: വാര്ത്തകള് വേഗത്തിലറിയാന് മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ…
