Malayalam 
തൃശൂര് ചാവക്കാടും ദേശീയപാത 66ല് വിള്ളല്
ചാവക്കാട്: തൃശൂരില് നിര്മാണം നടക്കുന്ന ദേശീയപാത 66ല് മണത്തല വിശ്വനാഥ ക്ഷേത്രത്തിനു സമീപത്തെ അടിപ്പാതയുടെ പാലത്തില് വിള്ളല്. നിര്മാണം പൂര്ത്തിയായി വരുന്ന പാലത്തില് ടാറിങ് പൂര്ത്തീകരിച്ച ഭാഗത്ത് അമ്പത് മീറ്റര് നീളത്തിലാണ് വിള്ളല് പ്രത്യക്ഷപ്പെട്ടത്. ഇതുവരെ ഗതാഗതത്തിന് തുറന്നുകൊടുക്കാത്ത പാലമാണ് ഇത്. കഴിഞ്ഞ മാസം ഇവിടെ നിര്മാണത്തിനിടെ പാലം ഇടിഞ്ഞ് ക്രെയിന് റോഡിലേക്ക് വീണിരുന്നു. പാലത്തില് വിള്ളല് കണ്ടതിനെ തുടര്ന്ന് നാട്ടുകാര് ആശങ്കയിലാണ്.
Also Read; മദ്യലഹരിയില് മകന് അമ്മയെ ചവിട്ടിക്കൊന്നു
മലപ്പുറം കൂരിയാട് ദേശീയപാത തകര്ന്നതിന് പിന്നാലെ വടക്കന് കേളത്തില് വ്യാപകമായി ദേശീയപാതയില് വിള്ളല് കണ്ടെത്തിയിട്ടുണ്ട്. ചൊവ്വാഴ്ച മലപ്പുറം തലപ്പാറയില് ആറുവരിപ്പാതയില് വിള്ളലുണ്ടായി. മലപ്പുറം കൂരിയാട് തിങ്കളാഴ്ച ഉച്ചയോടെയാണ് ആറുവരിപ്പാതയുടെ ഒരു ഭാഗവും സര്വിസ് റോഡും തകര്ന്നത്. ചൊവ്വാഴ്ച രാവിലെ കാസര്കോട് കാഞ്ഞങ്ങാട് ആറുവരി ദേശീയപാതയുടെ സര്വിസ് റോഡ് കനത്ത മഴയില് തകര്ന്നു. ചെമ്മട്ടംവയലിലാണ് സര്വിസ് റോഡ് ഒരുഭാഗം പാടെ തകര്ന്നത്.
Join with metro post: വാര്ത്തകള് വേഗത്തിലറിയാന് മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ…
