Malayalam 
അപൂര്വ നടപടിയുമായി സര്ക്കാര്; അജിത് കുമാറിനെതിരെയുള്ള റിപ്പോര്ട്ടുകള് മടക്കി അയച്ചു
തിരുവനന്തപുരം: പൂരം കലക്കല് പരാതിയുമായി ബന്ധപ്പെട്ട് എഡിജിപി അജിത് കുമാറിനെതിരെ നല്കിയ പരാതി എന്നിവയുമായി ബന്ധപ്പെട്ട് മുന് പൊലീസ് മേധാവി ദര്വേഷ് സാഹിബ് അജിത് കുമാറിനെതിരെ നല്കിയ രണ്ടു റിപ്പോര്ട്ടുകള് സര്ക്കാര് മടക്കി അയച്ചു. അജിത് കുമാറിനെ സംരക്ഷിക്കാന് സര്ക്കാര് അപൂര്വ നടപടിയുമായി എത്തിയിരിക്കുകയാണെന്നാണ് റിപ്പോര്ട്ടുകള്.
Also Read: അഹങ്കാരത്തിന് കൈയ്യും കാലും വെച്ച രൂപം, മുഖ്യമന്ത്രിയെ എടാ വിജയാ എന്ന് വിളിച്ചു: വി ശിവന്കുട്ടി
ഇപ്പോഴത്തെ പൊലീസ് മേധാവി റാവാഡ ചന്ദ്രശേഖറിനോടു വിഷയങ്ങള് പരിശോധിച്ച് പുതിയ അഭിപ്രായം അറിയിക്കണമെന്ന് ആവശ്യപ്പെട്ടാണ് റിപ്പോര്ട്ടുകള് മടക്കിയിരിക്കുന്നത്. സംസ്ഥാന പൊലീസ് മേധാവിയായിരുന്ന മുതിര്ന്ന ഐപിഎസ് ഉദ്യോഗസ്ഥന് അന്വേഷിച്ച് നല്കിയ റിപ്പോര്ട്ടുകളാണ് ഇത്തരത്തില് മടക്കിയിരിക്കുന്നത്.
