Malayalam 
ജനറല്‍ ആശുപത്രിയില്‍ ചികിത്സാ പിഴവ്; യുവതിയുടെ നെഞ്ചില്‍ ഗൈഡ് വയര്‍ കുടുങ്ങി, ചികിത്സാ പിഴവ് സമ്മതിച്ച് ഡോക്ടര്‍
തിരുവനന്തപുരം: ജനറല്‍ ആശുപത്രിയില്‍ ഗുരുതര ചികിത്സാ പിഴവ്. തൈറോയ്ഡ് ഗ്രന്ഥി നീക്കം ചെയ്യുന്നതിനിടെ രോഗിയുടെ ശരീരത്തില്‍ 50 സെന്റീമീറ്റര്‍ കേബിള്‍ കുടുങ്ങി. സംഭവത്തില്‍ തനിക്ക് വീഴ്ച പറ്റിയതായി ഡോ. രാജീവ് കുമാര്‍ സമ്മതിച്ചു. കാട്ടാക്കട സ്വദേശി സുമയ്യ ഡിഎംഒയ്ക്ക് പരാതി നല്‍കിയിട്ടുണ്ട്. കേബിള്‍ രക്തക്കുഴലുമായി ഒട്ടിച്ചേര്‍ന്നിരിക്കുകയാണ്.
Also Read: ഇരകള്‍ ആരും പരാതി നല്‍കിയിട്ടില്ല; രാഹുലിനെതിരെയുള്ളത് കള്ളക്കേസെന്ന് കൊടിക്കുന്നില്‍
എക്സറേ പരിശോധനയിലാണ് നെഞ്ചിനകത്ത് കേബിള്‍ കണ്ടെത്തിയത്. സംഭവത്തില്‍ യുവതിയുടെ ബന്ധുവായി ഡോക്ടര്‍ സംസാരിക്കുന്നതിന്റെ ശബ്ദരേഖ പുറത്തുവന്നിട്ടുണ്ട്. ഐസിയുവില്‍ ഗൈഡ് ലൈന് ഇട്ടവരുടെ ഭാഗത്തുനിന്നുമുണ്ടായ പിഴവാകാമെന്നാണ് ഡോക്ടര്‍ പറയുന്നത്. എക്‌സറെ എടുത്തപ്പോള്‍ അകത്ത് കേബിള്‍ കിടക്കുന്നുണ്ടെന്ന് ഡോക്ടര്‍ പറഞ്ഞു. ഇതു പുറത്തെടുക്കാന്‍ ശ്രീചിത്ര ഇന്‍സ്റ്റിറ്റ്യൂട്ടിലാണ് സൗകര്യം ഉള്ളത്. എന്നാല്‍ എന്തെങ്കിലും ആരോഗ്യ പ്രശ്‌നങ്ങല്‍ ഉണ്ടായാല്‍ മാത്രം പുറത്തെടുത്താല്‍ മതിയെന്നാണെന്നാണ് ആശുപത്രി അധികൃതര്‍ പറയുന്നത്.
