തിരുവനന്തപുരം: ശബരിമല സ്വര്‍ണക്കൊള്ള കേസിലെ ഒന്നാം പ്രതി ഉണ്ണികൃഷ്ണന്‍ പോറ്റിയും യുഡിഎഫ് കണ്‍വീനര്‍ അടൂര്‍ പ്രകാശും തമ്മില്‍ അടുത്ത സൗഹൃദംമെന്ന് റിപ്പോര്‍ട്ടുകള്‍. ഇരുവരും തമ്മില്‍ ബെംഗളൂരുവില്‍ വെച്ച് കൂടിക്കാഴ്ച നടത്തി. ഇതിന്റെ ചിത്രങ്ങളും പുറത്തുവന്നിട്ടുണ്ട്.

നരേന്ദ്രമോദി ഇന്ന് തിരുവനന്തപുരത്ത്; റോഡ് ഷോയില്‍ പങ്കെടുക്കും, വിവിധ ട്രെയിനുകള്‍ ഫ്‌ളാഗ് ഓഫ് ചെയ്യും

അടൂര്‍ പ്രകാശിനെ കാണുമ്പോള്‍ പോറ്റിയുടെ സുഹൃത്തും സ്പോണ്‍സറുമായ രമേശ് റാവുവും പോറ്റിക്ക് ഒപ്പമുണ്ടായിരുന്നു. പോറ്റിയും ഒപ്പമുള്ളവരും അടൂര്‍ പ്രകാശിന് സമ്മാനം നല്‍കുന്ന ചിത്രങ്ങളും പുറത്തുവന്നിട്ടുണ്ട്. പോറ്റിയുടെ സഹോദരിയുടെ മകളുടെ വിവാഹവുമായി ബന്ധപ്പെട്ട ചടങ്ങിലും അടൂര്‍ പ്രകാശ് എത്തിയതിന്റെ ചിത്രങ്ങളുമുണ്ട്. പോറ്റിയുടെ പുളിമാത്തെ തറവാട് വീട്ടിലും അടൂര്‍ പ്രകാശ് നിത്യസന്ദര്‍ശകനായിരുന്നുവെന്നാണ് വിവരം.