Malayalam 
എല്പിജി വിതരണം നിരീക്ഷിക്കണം, കരിഞ്ചന്തയില്ലെന്ന് ഉറപ്പാക്കണം: സംസ്ഥാനങ്ങള്ക്ക് നിര്ദേശവുമായി കേന്ദ്രം
ന്യൂഡല്ഹി: സംസ്ഥാനങ്ങളിലും കേന്ദ്രഭരണ പ്രദേശങ്ങളിലും എല്പിജി വിതരണം നിരീക്ഷിക്കാന് നിര്ദേശം നല്കി കേന്ദ്ര സര്ക്കാര്. എല്പിജി പ്രതിസന്ധിയുമായി ബന്ധപ്പെട്ട റിപ്പോര്ട്ടുകള്ക്കിടെയാണ്, കേന്ദ്ര ആഭ്യന്തര സെക്രട്ടറി ഗോവിന്ദ് മോഹന് സംസ്ഥാനങ്ങള്ക്ക് നിര്ദേശം നല്കിയത്. കരിഞ്ചന്തയോ പൂഴ്ത്തിവയ്പ്പോ ഇല്ലെന്ന് ഉറപ്പാക്കണമെന്നും നിര്ദേശിച്ചിട്ടുണ്ട്.
Join with metro post: വാര്ത്തകള് വേഗത്തിലറിയാന് മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ…
എല്പിജി സിലിണ്ടറുകളുടെ വില്പ്പനയിലും വിതരണത്തിലും ക്രമസമാധാന തകര്ച്ചയില്ലെന്ന് ഉറപ്പാക്കാനും ചീഫ് സെക്രട്ടറിമാരോടും ഡിജിപിമാരോടും കേന്ദ്ര ആഭ്യന്തര സെക്രട്ടറി ആവശ്യപ്പെട്ടിട്ടുണ്ട്. കരിഞ്ചന്തയോ പൂഴ്ത്തിവയ്പ്പോ ഉണ്ടായാല് അത് എല്പിജി ക്ഷാമത്തിലേക്ക് നയിച്ചേക്കാമെന്നും കേന്ദ്ര ആഭ്യന്തര സെക്രട്ടറി ഇന്നലെ ചേര്ന്ന വെര്ച്വല് യോഗത്തില് ചൂണ്ടിക്കാട്ടിയിരുന്നു. രാജ്യത്ത് ഇന്ധനക്ഷാമം ഉണ്ടെന്ന പ്രചാരണങ്ങള് തടയാന് നടപടി സ്വീകരിക്കാനും നിര്ദേശിച്ചിട്ടുണ്ട്.