Malayalam 
പാചകവാതക ക്ഷാമം രൂക്ഷം; ബുക്കിങ്ങിനുള്ള ഇടവേള 45 ദിവസമാക്കി
ന്യൂഡല്ഹി: പശ്ചിമേഷ്യന് സംഘര്ഷത്തിന്റെ പശ്ചാത്തലത്തില് ഇന്ത്യയില് പാചകവാതക സിലിണ്ടര് ലഭ്യത പ്രതിസന്ധി. പാചകവാതക ലഭ്യത ലഭ്യതക്കുറവിന്റെ പശ്ചാത്തലത്തില് ഗ്രാമീണമേഖലയില് സിലിണ്ടര് ബുക്കിങ്ങിനുള്ള ഇടവേള 45 ദിവസമായി വര്ധിപ്പിച്ചു. നേരത്തെ 25 ദിവസമായി നിശ്ചയിച്ചിരുന്ന ഇടവേളയാണ് ഇപ്പോള് ഉയര്ത്തിയിരിക്കുന്നത്. ഇതിനൊപ്പം രാജ്യത്തെ എല്.പി.ജി. ഉത്പാദനവും വര്ധിപ്പിച്ചു.
Join with metro post: വാര്ത്തകള് വേഗത്തിലറിയാന് മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ…
ഈ സാഹചര്യത്തില് എല്പിജി ഉദ്പാതനം കൂട്ടാന് കേന്ദ്ര സര്ക്കാര് എണ്ണക്കമ്പനികള്ക്ക് നിര്ദേശം നല്കിയിരുന്നു. ഇത് പ്രകാരം കഴിഞ്ഞദിവസം മുതല് ഉത്പാദനം 25 ശതമാനം വര്ധിപ്പിച്ചിരുന്നു. പിന്നാലെ വ്യാഴാഴ്ച മുതല് ഉത്പാദനം 28 ശതമാനമാക്കി ഉയര്ത്തി. ഖത്തര്, യുഎഇ, സൗദി അറേബ്യ, കുവൈറ്റ് എന്നിവിടങ്ങളില് നിന്നുള്ള ഇറക്കുമതിക്ക് പകരമായി അമേരിക്ക, നോര്വെ, കാനഡ, അള്ജീരിയ, റഷ്യ തുടങ്ങിയ രാജ്യങ്ങളില് നിന്ന് കൂടുതല് ഇന്ധനം എത്തിക്കാന് നടപടി സ്വീകരിച്ചിട്ടുണ്ട്.