കാസര്‍കോട്: പ്രശസ്ത സിനിമാ-നാടക നടന്‍ ടി.പി കുഞ്ഞിക്കണ്ണന്‍ (85) അന്തരിച്ചു. ഇന്ന് പുലര്‍ച്ചെ ഹൃദയാഘാതം മൂലം കോഴിക്കോട്ടെ സ്വകാര്യ ആശുപത്രിയില്‍ വെച്ചായിരുന്നു മരണം. കാസര്‍കോട് ചെറുവത്തൂര്‍ സ്വദേശിയായ ടി.പി കുഞ്ഞിക്കണ്ണന്‍ കുഞ്ചാക്കോ ബോബന്‍ നായകനായ ‘ന്നാ താന്‍ കേസ് കൊട്’ എന്ന ചിത്രത്തില്‍ ചെയ്ത മന്ത്രി പ്രേമന്റെ വേഷം ഏറെ ശ്രദ്ധേയമായിരുന്നു. പൊതുമരാമത്ത് വകുപ്പില്‍ എഞ്ചിനീയര്‍ ആയിരുന്ന കുഞ്ഞിക്കണ്ണന്‍ നാടകവേദിയില്‍ നിന്നാണ് സിനിമയിലേക്ക് എത്തിയത്. മരണത്തില്‍ സാമൂഹിക, സിനിമാ രംഗത്തെ പ്രമുഖര്‍ അനുശോചിച്ചു.

ഭാര്യ ജാനകി, മക്കള്‍: ശ്രീജയ, ശ്രീകല, ശ്രീപ്രിയ

Also Read; രാഷ്ട്രീയ ഗുണ്ടകള്‍ തന്നെ അക്രമിച്ചുവെന്ന് എന്തുകൊണ്ട് സുരേഷ് ഗോപി നേരത്തെ പറഞ്ഞില്ല? ചോദ്യമുന്നയിച്ച് വിഎസ് സുനില്‍ കുമാര്‍