Malayalam 
വയനാട് ഉരുള്‍പൊട്ടല്‍ ; തിരച്ചില്‍ ഏഴാം ദിവസവും തുടരുന്നു, മരണസംഖ്യ 387 ആയി
മുണ്ടക്കൈ: വയനാട് മുണ്ടക്കൈയിലും ചൂരല്‍മലയിലും ഉണ്ടായ ഉരുള്‍പൊട്ടലില്‍ കാണാതായവര്‍ക്ക് വേണ്ടിയുള്ള തിരച്ചില്‍ ഏഴാം ദിവസത്തിലേക്ക് എത്തി. ഇതുവരെ മരിച്ചവരുടെ എണ്ണം 387 ആയി. ഇനിയും 180 പേരെയാണ് കണ്ടെത്താനുള്ളത്. ഇന്നത്തെ തിരച്ചില്‍ ബെയ്‌ലി പാലത്തിന് സമീപത്തായിരിക്കും നടക്കുക.
രണ്ട് സിഗ്‌നലുകള്‍ കേന്ദ്രീകരിച്ചാകും ഇന്നത്തെ തിരച്ചില്‍. ഡോഗ് സ്‌ക്വാഡിനെയും സ്ഥലത്ത് എത്തിക്കും. റഡാറുകള്‍ ഉള്‍പ്പടെ അത്യാധുനിക സംവിധാനങ്ങള്‍ ഉപയോഗിച്ചായിരിക്കും തിരച്ചില്‍ നടത്തുക.
അതേസമയം ചാലിയാറിലും ഇന്ന് വ്യാപക തിരച്ചില്‍ നടത്തും. തിരിച്ചറിയാനാകാത്ത എട്ട് മൃതദേഹങ്ങളാണ് ഇന്നലെ സംസ്‌കരിച്ചത്. ഇന്ന് കൂടുതല്‍ മൃതദേഹങ്ങള്‍ സംസ്‌കരിക്കും. ദുരിതാശ്വാസ ക്യാമ്പുകളില്‍ കഴിയുന്നത് പതിനായിരത്തിലധികം ആളുകളും.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില്‍ അംഗമാകൂ..
