Malayalam 
പേരാമ്പ്രയിലുണ്ടായ സിപിഎം – കോണ്ഗ്രസ് സംഘര്ഷം; ഷാഫി പറമ്പിലിനെതിരെ കേസ്
കോഴിക്കോട്: പേരാമ്പ്രയിലുണ്ടായ കോണ്ഗ്രസ്- സിപിഐഎം സംഘര്ഷത്തില് ഷാഫി പറമ്പില് എംപിക്കെതിരെ പൊലീസ് കേസെടുത്തു. ഷാഫി പറമ്പിലിന് പുറമെ കോഴിക്കോട് ഡിസിസി പ്രസിഡന്റ് പ്രവീണ്കുമാര് ഉള്പ്പടെ എട്ട് യുഡിഎഫ് നേതാക്കള്ക്കെതിരെയും കണ്ടാലറിയാവുന്ന 692 പേര്ക്കെതിരെയുമാണ് കേസെടുത്തിരിക്കുന്നത്. ഗതാഗത തടസം സൃഷ്ടിച്ചു, മാരകായുധങ്ങള് ഉപയോഗിച്ച് പൊലീസ് ഉദ്യോഗസ്ഥരുടെ കൃത്യനിര്വഹണം തടസ്സപ്പെടുത്തിയെന്നാണ് എഫ്ഐആര്. സംഘര്ഷത്തില് സിപിഐഎം നേതാക്കളായ കെ സുനില്, കെ കെ രാജന് എന്നിവര്ക്കെതിരെയും കണ്ടാലറിയാവുന്ന 492 സിപിഐഎം പ്രവര്ത്തകര്ക്കെതിരെയും കേസെടുത്തിട്ടുണ്ട്. സംഘര്ഷത്തില് രണ്ട് എഫ്ഐആറുകളാണ് പൊലീസ് രജിസ്റ്റര് ചെയ്തിരിക്കുന്നത്.
കേരളത്തിലെത്താന് അര്ജന്റീന ടീം റെഡി; മെസി ക്യാപ്റ്റന്
പേരാമ്പ്ര സികെജെ കോളേജില് ചെയര്മാന് സ്ഥാനം വിജയിച്ചതിലുള്ള യുഡിഎസ്എഫിന്റെ വിജയാഹ്ലാദപ്രകടനം പൊലീസ് തടഞ്ഞതിനെ തുടര്ന്ന് പേരാമ്പ്രയില് കഴിഞ്ഞ ദിവസം സംഘര്ഷമുണ്ടായിരുന്നു. ഇതില് യുഡിഎസ്എഫ് പ്രവര്ത്തകര്ക്ക് പരിക്കേല്ക്കുകയും ചെയ്തു. ഇതേ തുടര്ന്ന് പേരാമ്പ്രയില് യുഡിഎഫ് ഹര്ത്താല് പ്രഖ്യാപിച്ചു. ഇതിന്റെ ഭാഗമായി യുഡിഎഫ് പ്രകടനം നടത്താന് തീരുമാനിച്ചു. എന്നാല് ഹര്ത്താലിനിടെ പേരാമ്പ്ര പഞ്ചായത്ത് പ്രസിഡന്റ് വി കെ പ്രമോദിന് മര്ദ്ദനമേറ്റെന്ന് ആരോപിച്ച് സിപിഐഎമ്മും പ്രകടനം നടത്താന് തീരുമാനിച്ചു. സിപിഎം – കോണ്ഗ്രസ് പ്രകടനങ്ങള് ഒരുമിച്ച് വന്നതാണ് കൂടുതല് സംഘര്ഷാവസ്ഥ സൃഷ്ടിക്കാന് കാരണമായത്.
