മലപ്പുറം: മലയാളിയായ മര്‍ച്ചന്റ് നേവി ഉദ്യോഗസ്ഥനെ കപ്പല്‍ യാത്രക്കിടെ കാണാതായതായി പരാതി. ലൈബീരിയൻ എണ്ണ കപ്പലായ എംടി പറ്റ്മോസിന്റെ സെക്കൻറ് ഓഫീസറായ മലപ്പുറം നിലമ്പൂര്‍ സ്വദേശി മനേഷ് കേശവദാസിനെയാണ് കാണാതായത്.

Also Read; അഖിലകേരള ഓൺലൈൻ ചിത്രരചനാ മത്സരം “സൃഷ്ടി 2K23” ഒക്ടോബർ 24 ന്

അബുദാബിയിലെ ജബല്‍ ധാനയില്‍ നിന്നു മലേഷ്യയിലേക്ക് ചരക്കുമായി പോകുന്നതിനിടെ ബുധനാഴ്ചയാണ് മനേഷിനെ കാണാതായത്. പുലര്‍ച്ചെ നാല് മണിക്കു ഡ്യൂട്ടി കഴിഞ്ഞു വിശ്രമിക്കാനായി കപ്പലിലെ മുറിയില്‍ പോയ മനേഷിനെ പിന്നീട് കാണാതായെന്നാണ് കമ്പനി അധികൃതര്‍ പറയുന്നത്.

മനേഷിനെ കാണാതായ വിവരം കമ്പനി തന്നെയാണ് വീട്ടുകാരെ അറിയിച്ചത്. മനേഷിനായുള്ള തിരച്ചില്‍ തുടരുകയാണ്. അവധിക്ക് നാട്ടിലെത്തിയ മനേഷ് ഓഗസ്റ്റ് മൂന്നിനാണ് മടങ്ങിയത്. കുടുംബം വിദേശ കാര്യ മന്ത്രാലയത്തിനും കോസ്റ്റ് ഗാര്‍ഡ‍ിനും പരാതി നല്‍കി.

Join with metro post: മെട്രോ പോസ്റ്റ് വാട്‌സാപ്പ് ചാനലില്‍ ജോയിന്‍ ചെയ്യുന്നതിനായി ഇവിടെ ക്ലിക്ക് ചെയ്യുക