Malayalam 
ആഘോഷങ്ങളില് പടക്കം പൊട്ടിക്കാന് സമയം നിശ്ചയിച്ച് സര്ക്കാര്
തിരുവനന്തപുരം: സംസ്ഥാനത്ത് ദീപാവലി, ക്രിസ്തുമസ്, ന്യൂഇയര് ആഘോഷത്തിന് പടക്കം പൊട്ടിക്കുന്നതിനായുള്ള സമയത്തിന് നിയന്ത്രണം ഏര്പ്പെടുത്തി. വായു ഗുണനിലവാരം മിതമായതോ അതിനു താഴെയുള്ളതോ ആയ നഗരങ്ങളില് അന്തരീക്ഷ മലിനീകരണം നിയന്ത്രിക്കുന്നതിന്റെ ഭാഗമായി ഗ്രീന് ട്രൈബ്യൂണല് പുറപ്പെടുവിച്ച വിധിയുടെ അടിസ്ഥാനത്തിലാണ് ഉത്തരവ്.
ദീപാവലി ആഘോഷത്തിന് പടക്കം പൊട്ടിക്കുന്നത് രാത്രി എട്ടിനും പത്തിനും ഇടയില് പരമാവധി രണ്ടു മണിക്കൂറാക്കിയും ക്രിസ്മസ്, ന്യൂ ഇയര് ആഘോഷങ്ങള്ക്ക് പടക്കം പൊട്ടിക്കുന്നത് രാത്രി 11.55 മുതല് 12.30 വരെയാക്കിയും നിയന്ത്രിച്ചുള്ള ഉത്തരവ് സര്ക്കാര് പുറപ്പെടുവിച്ചു.
Also Read; സ്വര്ണക്കടത്തു കേസിലെ 44 പ്രതികള് ചേര്ന്ന് അടയ്ക്കേണ്ട പിഴ 66.60 കോടി
ആഘോഷങ്ങളില് ഹരിത പടക്കങ്ങള് മാത്രമേ വില്ക്കാന് പാടുള്ളൂവെന്നും ജില്ലാ മജിസ്ട്രേറ്റുമാര്, ജില്ലാ പൊലീസ് മേധാവിമാര് എന്നിവര് ഇക്കാര്യങ്ങള് ഉറപ്പാക്കണമെന്നും ഉത്തരവില് പറയുന്നു.
