Malayalam 
നിമിഷപ്രിയയുടെ മോചനം; വ്യാജ പണപ്പിരിവ് നടക്കുന്നുണ്ടെന്ന് കേന്ദ്ര സര്ക്കാര്
ന്യൂഡല്ഹി: ഒമാനില് വധശിക്ഷയ്ക്ക് വിധിയ്ക്കപ്പെട്ട് കഴിയുന്ന നിമിഷപ്രിയയുടെ മോചനത്തിന്റെ പേരില് വ്യാജ പണപ്പിരിവു നടക്കുന്നുണ്ടെന്ന് കേന്ദ്ര സര്ക്കാര്. സന്നദ്ധ പ്രവര്ത്തകനെന്ന് അവകാശപ്പെടുന്ന കെ.എ. പോള് ആണു നിമിഷപ്രിയയുടെ മോചനത്തിനു വേണ്ടി കേന്ദ്രസര്ക്കാര് അംഗീകരിച്ചതെന്ന അവകാശവാദവുമായി ബാങ്ക് അക്കൗണ്ട് നമ്പര് നല്കി പണപ്പിരിവ് നല്കുന്നത്.
Join with metro post: വാര്ത്തകള് വേഗത്തിലറിയാന് മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ…
8.3 കോടി രൂപയാണു വേണ്ടതെന്നും സമൂഹമാധ്യമങ്ങളില് പ്രചരിപ്പിക്കുന്ന പരസ്യത്തില് പറയുന്നു. സേവ് നിമിഷപ്രിയ രാജ്യാന്തര ആക്ഷന് കൗണ്സിലിന്റെ പേരിലാണു പണം സമാഹരിക്കുന്നത്. ഇത്തരത്തില് പണം സമാഹരിക്കാന് ആരെയും ചുമതലപ്പെടുത്തിയിട്ടില്ലെന്നു കേന്ദ്ര വിദേശകാര്യ മന്ത്രാലയം വ്യക്തമാക്കി.
