Malayalam 
റെയില്‍വേ പാളത്തില്‍ യുവതി മരിച്ച നിലയില്‍
കോഴിക്കോട് : വയനാട് സ്വദേശിയായ യുവതിയെ റെയില്‍വേ പാളത്തില്‍ മരിച്ച നിലയില്‍ കണ്ടെത്തി. വയനാട് കല്പറ്റ കാവുംമന്ദം മഞ്ചുമലയില്‍ വീട്ടില്‍ ഐശ്വര്യ ജോസഫിനെയാണ് (30) മരിച്ച നിലയില്‍. നേത്രാവതി എക്സ്പ്രസില് നിന്ന് വീണതാകാമെന്നാണ് നിഗമനം. കാസര്‍കോട് പള്ളിക്കര മാസ്തിഗുഡ്ഡ റെയില്‍വേ ഗേറ്റില്‍ നിന്നും 200 മീറ്റര്‍ മാറി യുവതിയെ പാളത്തില്‍ വീണുകിടക്കുന്ന നിലയിലാണ് കണ്ടെത്തിയത്. വെള്ളിയാഴ്ച രാത്രി ഒന്‍പതിന് ശേഷമാണ് അപകടം നടന്നതെന്നാണ് കരുതുന്നത്.
നേത്രാവതി എക്സ്പ്രസ് കടന്നുപോയതിന് പിന്നാലെ ട്രെയിനില്‍ നിന്ന് ഒരാള്‍ വീണിട്ടുണ്ടെന്ന് കാസര്‍കോട് റെയില്‍വേ പൊലീസ് രാത്രി പത്ത് മണിയോടെ ബേക്കല്‍ പോലീസിനെ അറിയിച്ച്. തുടര്‍ന്ന് നടത്തിയ അന്വേഷണത്തില്‍ പാളങ്ങള്‍ക്കിടയില്‍ യുവതിയെ കണ്ടെത്തുകയായിരുന്നു.
ഉടന്‍ തന്നെ ഐശ്വര്യയെ കാസര്‍കോട് ജനറല്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. യുവതിയെ കണ്ടെത്തിയ സ്ഥലത്ത് നിന്ന് ലഭിച്ച ഹാന്‍ഡ് ബാഗും പഴ്സും പരിശോധിച്ചാണ് ആളെ തിരിച്ചറിഞ്ഞത്. കോഴിക്കോട്ടെ ഒരു സ്ഥാപനത്തില്‍ എച്ച്.ആര് മാനേജരാണ് ഐശ്വര്യ.
