ഒമാനില് കഴിഞ്ഞ ഏതാനും ദിവസങ്ങളിലായി താപനില വലിയ തോതില് വര്ധിച്ചതായി റിപ്പോര്ട്ടുകള്; മിക്ക വിലായത്തുകളിലും താപനില 40 ഡിഗ്രിക്കു മുകളില്
മസ്കറ്റ്: ഒമാനില് കഴിഞ്ഞ ഏതാനും ദിവസങ്ങളിലായി താപനില വലിയ തോതില് വര്ധിച്ചതായി റിപ്പോര്ട്ടുകള്. സുല്ത്താനേറ്റിലെ പല വിലായത്തുകളിലും കഴിഞ്ഞ കുറച്ച് ദിവസങ്ങളായി 40 ഡിഗ്രി സെല്ഷ്യസും അതിനുമുകളിലും താപനില റിപ്പോര്ട്ട് ചെയ്തിട്ടുണ്ട്.
Also Read ;മദ്യലഹരിയില് പെരുമ്പാമ്പിനെ കയ്യിലെടുത്ത് അഭ്യാസ പ്രകടനം ; യുവാവ് കസ്റ്റഡിയില്
ഇന്നലെ സീബ് വിലായത്തില് താപനില 40 ഡിഗ്രി സെല്ഷ്യസാണ് റിപ്പോര്ട്ട് ചെയ്തത്. അമീറത്തില് 41 ഡിഗ്രി സെല്ഷ്യസും ഇബ്രിയില് 43 ഡിഗ്രി സെല്ഷ്യസും സൂറില് 43 ഡിഗ്രി സെല്ഷ്യസും സലാലയില് 33 ഡിഗ്രി സെല്ഷ്യസുമായിരുന്നു രേഖപ്പെടുത്തിയ താപനില. ജബല് ഷംസ് പ്രദേശമാണ് രാജ്യത്തെ ഏറ്റവും തണുപ്പ് രേഖപ്പെടുത്തിയ മേഖല. ഇവിടെ 17 ഡിഗ്രി സെല്ഷ്യസായിരുന്നു താപനില. സായിഖ് പ്രദേശത്ത് 26 ഡിഗ്രി സെല്ഷ്യസായിരുന്നു താപനില. ഈ കാലയളവില് രാജ്യത്തെ മിക്ക ഗവര്ണറേറ്റുകളിലും കുറഞ്ഞ താപനില 30 ഡിഗ്രി കടന്നതായി കാലാവസ്ഥാ നിരീക്ഷണ കേന്ദ്രം അറിയിച്ചു.
Join with metro post : വാർത്തകളറിയാൻ Metro Post ന്യൂസ് ഗ്രൂപ്പിൽ Join ചെയ്യാം