കര്ണാടക മുഖ്യമന്ത്രി സിദ്ധരാമയ്യയെയും തന്നെയും നശിപ്പിക്കാന് കേരളത്തില് മൃഗബലികള് നടത്തുന്നു ; ഡി കെ ശിവകുമാര്
![](https://metropostkerala.com/wp-content/uploads/2024/05/2-25-991x564.jpg)
ബെംഗളൂരു: കര്ണാടകയിലെ കോണ്ഗ്രസ് സര്ക്കാരിനെ തകര്ക്കാനുള്ള ശ്രമത്തിന്റെ ഭാഗമായി മുഖ്യമന്ത്രി സിദ്ധരാമയ്യയെയും തന്നെയും നശിപ്പിക്കാന് കേരളത്തിലെ ഒരു ക്ഷേത്രത്തില് മൃഗബലികളും യാഗങ്ങളും നടന്നതായി വിവരം ലഭിച്ചുവെന്ന് കര്ണാടക ഉപമുഖ്യമന്ത്രി ഡി കെ ശിവകുമാര്.
Also Read ; അരിവാള് രോഗം ; അട്ടപ്പാടിയില് യുവതി മരിച്ചു
കര്ണാടക സര്ക്കാരിനെതിരെ കേരളത്തില് ഗൂഢാലോചന നടക്കുന്നുണ്ട്. ആരാണ് യാഗം നടത്തിയത്, ആരൊക്കെയാണ് അതില് പങ്കെടുത്തത്, ആരാണ് ഇതിന് പിന്നിലെന്ന് തനിക്ക് അറിയാമെന്ന് ശിവകുമാര് പറഞ്ഞു. എന്നാല് പരോക്ഷമായി ആരുടെയും പേര് നേരിട്ട് പറയാതെ രാഷ്ട്രീയ എതിരാളികളാണ് ഇത് ചെയ്തതെന്നും മൃഗബലിയും ഇതില് ഉള്പ്പെട്ടിട്ടുണ്ടെന്നും അദ്ദേഹം കൂട്ടിച്ചേര്ത്തു. മാധ്യമങ്ങളെ അഭിസംബോധന ചെയ്ത് സംസാരിക്കവേ തന്റെ കൈത്തണ്ടയില് കെട്ടിയിരിക്കുന്ന വിശുദ്ധ നൂലിനെ എടുത്ത് കാണിച്ച് തനിക്ക് നേരേയുളള ദുഷിച്ച കണ്ണുകളെ തടയാനാണ് താന് ഇത് കെട്ടിയിരിക്കുന്നതും ശിവകുമാര് പറഞ്ഞു.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
കേരളത്തിലെ രാജരാജേശ്വരി ക്ഷേത്രത്തിന് സമീപത്ത് ശത്രുക്കളെ ഇല്ലാതാക്കാന് ശത്രു ഭൈരവിയാഗം,(അഗ്നിബലി) പഞ്ചബലി എന്നീ കര്മങ്ങളാണ് നടത്തുന്നത്. ചുവന്ന ആട്, 21 എരുമകള്, മൂന്ന് കറുത്ത ആടുകള്, അഞ്ച് പന്നികള് എന്നിവ അഗ്നിയാഗത്തിനായി ഉപയോഗിച്ചു. പൂജകള്ക്കായി ശത്രുക്കള് അഘോരികളെയാണ് സമീപിക്കുന്നത്. യാഗങ്ങള് ഇപ്പോഴും നടക്കുന്നുണ്ടെന്നും അതില് പങ്കെടുത്തവരില് നിന്ന് തനിക്ക് അതിനെക്കുറിച്ച് അപ്ഡേറ്റുകള് ലഭിക്കുന്നുണ്ടെന്നും ശിവകുമാര് അവകാശപ്പെട്ടു.