Malayalam 
കൊടകര കുഴല്പ്പണ കേസ്: തുടരന്വേഷണത്തിനുള്ള ഉത്തരവ് ഇന്നുണ്ടായേക്കും
തൃശൂര്: കൊടകര കുഴല്പ്പണ കേസില് തുടരന്വേഷണം സംബന്ധിച്ച് ആഭ്യന്തരവകുപ്പിന്റെ ഉത്തരവ് ഇന്നുണ്ടായേക്കും. പോലീസിന് തുടരന്വേഷണം എത്രമാത്രം സാധ്യമാകും എന്ന കാര്യത്തിലും സംശയങ്ങളുണ്ട്. ഇത് സംബന്ധിച്ച് നിയമോപദേശവും പോലീസ് തേടിയിട്ടുണ്ട്. നിലവില് കവര്ച്ച സംബന്ധിച്ച അന്വേഷണമാണ് പൂര്ത്തീകരിച്ചിരിക്കുന്നത്. സാമ്പത്തിക ഇടപാടുകള് സംബന്ധിച്ച അന്വേഷണം പോലീസിന് സാധ്യമാകില്ല. പബ്ലിക് മണി ലോണ്ടറിങ് ആക്ട് പ്രകാരമാണ് പ്രധാനമായും അന്വേഷണം നടക്കേണ്ടത്. കൊടകര കുഴല്പ്പണ കേസില് ഇനി നടക്കേണ്ടത് കേന്ദ്ര ഏജന്സികളുടെ അന്വേഷണമാണ്.
Join with metro post: വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
ഇ ഡിക്ക് കേസ് അന്വേഷണം സംബന്ധിച്ച റിപ്പോര്ട്ട് കൈമാറിയിരുന്നെങ്കിലും തുടര്നടപടികള് ഉണ്ടായില്ല. ആഭ്യന്തരവകുപ്പിന്റെ ഉത്തരവ് ഇറങ്ങിയാല് കോടതിയെ സമീപിച്ച് തുടര്നടപടികളിലേക്ക് കടക്കാനാണ് അന്വേഷണസംഘം തീരുമാനിച്ചിരിക്കുന്നത്. മുഖ്യമന്ത്രി പിണറായി വിജയനും ഡിജിപി ഷെയ്ഖ് ദര്വേഷ് സാഹേബും കഴിഞ്ഞ ദിവസം തിരുവനന്തപുരത്തുവെച്ച് കൂടിക്കാഴ്ച നടത്തിയിരുന്നു. ഈ കൂടിക്കാഴ്ചയിലാണ് കൊടകര കുഴല്പ്പണക്കേസില് തുടരന്വേഷണം നടത്താന് തീരുമാനിച്ചത്.
