Malayalam 
കളമശേരിക്ക് പിന്നാലെ കേരള യൂണിവേഴ്സിറ്റി ഹോസ്റ്റലിലും എക്സൈസ് റെയ്ഡ്; കഞ്ചാവ് പിടികൂടി
തിരുവനന്തപുരം: തിരുവനന്തപുരം പാളയത്തെ കേരള യൂണിവേഴ്സിറ്റി ഹോസ്റ്റലില് എക്സൈസ് നടത്തിയ റെയ്ഡില് കഞ്ചാവ് പിടികൂടി. 455 ആം മുറിയില് നിന്നാണ് 20 ഗ്രാംകഞ്ചാവ് പിടികൂടിയത്. മുറിയിലുണ്ടായിരുന്ന തമിഴ്നാട് സ്വദേശിയെ എക്സൈസ് കസ്റ്റഡിയിലെടുത്തു. ഹോസ്റ്റലിലെ 15 മുറികളിലാണ് എക്സൈസ് സംഘം പരിശോധന നടത്തിയത്.
രഹസ്യ വിവരം ലഭിച്ചതിനെ തുടര്ന്ന് എക്സൈസ് സംഘം മിന്നല് പരിശോധന നടത്തുകയായിരുന്നു. 70ലധികം മുറികളുള്ള വലിയ ഹോസ്റ്റലാണിത്. ചിലരുടെ ഫോട്ടോയടക്കം എക്സൈസ് സംഘം വിദ്യാര്ത്ഥികളെ കാണിച്ചിരുന്നു. കൂടുതല് മുറികളും അടഞ്ഞുകിടക്കുകയായിരുന്നു.
അതേസമയം, ഹോസ്റ്റലില് പരിശോധന നടത്തണമെന്ന് എസ്എഫ്ഐ ആവശ്യപ്പെട്ടിരുന്നുവെന്നും പിടികൂടിയ ആള് എസ്എഫ്ഐ ബന്ധമില്ലെന്നും എസ്എഫ്ഐ നേതാക്കള് പറഞ്ഞു. എസ്എഫ്ഐ ഹോസ്റ്റല് എന്ന പ്രചാരണം ശരിയല്ലെന്നും ഹോസ്റ്റല് വിദ്യാര്ത്ഥിയാണോ പിടിയിലായതെന്ന് ഉറപ്പില്ലെന്നും എസ്എഫ്ഐ ജില്ലാ സെക്രട്ടറി ആദര്ശ് പറഞ്ഞു.
Join with metro post: വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
കളമശ്ശേരി ഗവ. പോളിടെക്നിക് ഹോസ്റ്റലില് നിന്ന് കഞ്ചാവ് പിടിച്ചെടുത്ത സംഭവത്തിന് പിന്നാലെയാണ് തലസ്ഥാനത്തെ കേരള യൂണിവേഴ്സിറ്റിയുടെ ഹോസ്റ്റലിലും എക്സൈസ് പരിശോധനയില് കഞ്ചാവ് പിടിച്ചെടുത്തത്. കേരള യൂണിവേഴ്സിറ്റിക്ക് കീഴിലെ നിരവധി വിദ്യാര്ത്ഥികള് താമസിക്കുന്ന ഹോസ്റ്റലാണിത്.
