Malayalam 
ഹിജാബ് വിവാദം; കുട്ടി സ്കൂള് വിടാന് കാരണക്കാരായവര് മറുപടി പറയണം, സ്കൂള് മാനേജ്മെന്റിനെതിരെ വിദ്യാഭ്യാസ മന്ത്രി
കോഴിക്കോട്: ഹിജാബ് വിവാദത്തില് സ്കൂള് മാനേജ്മെന്റിനെതിരെ വിദ്യാഭ്യാസ മന്ത്രി വി ശിവന്കുട്ടി. ഹിജാബിനെതിരെ സംസാരിച്ചത് സംസാരിച്ചത് ശിരോവസ്ത്രമിട്ട പ്രിന്സിപ്പല് ആണെന്നും കുട്ടി സ്കൂള് വിടാന് കാരണക്കാരായവര് മറുപടി പറയേണ്ടിവരുമെന്നും മന്ത്രി പറഞ്ഞു.
പള്ളുരുത്തി സെന്റ് റീത്താസ് ഹൈസ്കൂളില് തുടരാന് മകള്ക്ക് താല്പര്യമില്ലെന്നും കുട്ടിയെ സ്കൂള് മാറ്റുമെന്നും പിതാവ് അറിയിച്ചതിന് പിന്നാലെയാണ് മന്ത്രിയുടെ പ്രതികരണം.
ഓപ്പറേഷന് നുംഖോര്; ദുല്ഖര് സല്മാന്റെ ഡിഫന്ഡര് വിട്ടുനല്കാന് കസ്റ്റംസ്
കുട്ടിക്ക് ആ സ്കൂളിലേക്ക് പോകാനുള്ള എല്ലാ അവകാശവുമുണ്ട്. എന്തിന്റെ പേരിലാണ് കുട്ടി സ്കൂളിലേക്ക് പോകാത്തതെന്നും ആരുടെ വീഴ്ച്ച മൂലമാണ് പോകാത്തതെന്ന് പരിശോധിക്കുമെന്ന് വിദ്യാഭ്യാസ മന്ത്രി പറഞ്ഞു. കുട്ടി അനുഭവിക്കുന്ന മാനസിക സമ്മര്ദ്ദം വളരെ വലുതാണ്. ഒരു കുട്ടിയുടെ പ്രശ്നം ആണെങ്കിലും സംരക്ഷണം നല്കുക എന്നതാണ് സര്ക്കാര് നിലപാട്. കുട്ടിയെ വിളിച്ച് ആ പ്രശ്നം തീര്ക്കാന് ശ്രമിക്കണം. യൂണിഫോമിന്റെ കാര്യത്തില് വിട്ടുവീഴ്ച്ച ആവശ്യമില്ലെന്നും മന്ത്രി പറഞ്ഞു.
