Malayalam 
ന്യൂയോര്‍ക്കിലെ ആദ്യ മേയറാകുന്ന ഇന്ത്യന്‍ വംശജനായി സൊഹ്‌റാന്‍ മംദാനി; ട്രംപിന് വന്‍ തിരിച്ചടി
ന്യൂയോര്‍ക്ക്: അമേരിക്കന്‍ രാഷ്ട്രീയത്തില്‍ ചരിത്രം. ന്യൂയോര്‍ക്കിന്റെ മേയറായി ഡെമോക്രാറ്റ് സ്ഥാനാര്‍ഥി സൊഹ്‌റാന്‍ മംദാനി(34) വിജയിച്ചു. ആദ്യമായിട്ടാണ് ന്യൂയോര്‍ക്കില്‍ ഒരു ഇന്ത്യന്‍ വംശജന്‍ മേയറാകുന്നത്. സ്വതന്ത്ര സ്ഥാനാര്‍ഥിയായി മത്സരിച്ച മുന്‍ ന്യൂയോര്‍ക്ക് സ്റ്റേറ്റ് ഗവര്‍ണര്‍ ആന്‍ഡ്രു കുമോയെ പരാജയപ്പെടുത്തിയാണ് മുന്നേറ്റം.
Join with metro post: വാര്‍ത്തകള്‍ വേഗത്തിലറിയാന്‍ മെട്രോപോസ്റ്റ് വാട്സ്ആപ്പ് ഗ്രൂപ്പില്‍ അംഗമാകൂ…
ഇന്ത്യന്‍ വംശജയായ പ്രമുഖ സിനിമ സംവിധായക മീര നായരുടെയും യുഗാണ്ടന്‍ എഴുത്തുകാരന്‍ മഹമൂദ് മംദാനിയുടെയും മകനാണ് സൊഹ്‌റാന്‍. യുഎസ് പ്രസിഡന്റ് ഡോണള്‍ഡ് ട്രംപിന്റെ നയങ്ങളുടെ കടുത്ത വിമര്‍ശകനാണ് മംദാനി. അതുകൊണ്ട് തന്നെ മംദാനിയുടെ ജയം ട്രംപിനു കടുത്ത തിരിച്ചടിയാകും. റിപ്പബ്ലിക്കന്‍ പാര്‍ട്ടിയിലെ കര്‍ട്ടിസ് സ്ലിവ മത്സരിച്ചെങ്കിലും ട്രംപ് കുമോയെ പിന്തുണച്ചിരുന്നു.
