തൃശൂര്‍: സംസ്ഥാന സ്‌കൂള്‍ കായിക മേളയിലെ ലോങ് ജംപ് മത്സരത്തിനിടെ വിദ്യാര്‍ത്ഥിയുടെ കഴുത്തിന് ഗുരുതരമായി പരിക്കേറ്റു. വയനാട് കാട്ടിക്കുളം ഗവ എച്ച്എസ്എസിലെ വിദ്യാര്‍ത്ഥി മുഹമ്മദ് സിനാനാണ് ലോങ് ജംപ് മത്സരത്തിനിടെ പരിക്കേറ്റത്. ഇന്ന് രാവിലെ ജൂനിയര്‍ വിഭാഗം ആണ്‍കുട്ടികളുടെ ലോങ് ജംപില്‍ മത്സരിക്കുന്നതിനിടെ സിനാന്‍ കഴുത്ത് കുത്തി വീഴുകയായിരുന്നു.

പരിക്കേറ്റ മുഹമ്മദ് സിനാനെ ഉടന്‍തന്നെ സ്ട്രച്ചറിലെടുത്ത് ആംബുലന്‍സില്‍ കുന്നംകുളം താലൂക്ക് ആശുപത്രിയിലേക്ക് കൊണ്ടുപോവുകയായിരുന്നു. എന്നാല്‍ പരിക്ക് ഗുരുതരമായതിനാല്‍ സിനാനെ തൃശൂര്‍ മെഡിക്കല്‍ കോളജിലേക്ക് മാറ്റുകയായിരുന്നു. സിനാന്റെ പരിക്ക് മൂലം അല്‍പനേരത്തേക്ക് ലോങ് ജംപ് മത്സരം തടസപ്പെട്ടെങ്കിലും പിന്നീട് തുടരുകയായിരുന്നു.

Join with metro post: വാർത്തകൾ വേഗത്തിലറിയാൻ Metro Post വാട്സ്ആപ്പ് ചാനലിൽ അംഗമാകൂ

നാല്‍പത്തിയൊന്ന് വിദ്യാര്‍ത്ഥികളാണ് ജൂനിയര്‍ ആണ്‍കുട്ടികളുടെ ലോങ് ജംപില്‍ മത്സരിച്ചത്. ചാട്ടം കഴിഞ്ഞ ഉടനെതന്നെ ബാലന്‍സ് തെറ്റിവീണ് മുഹമ്മദ് സിനാന്റെ കഴുത്തിന് പരിക്കേല്‍ക്കുകയായിരുന്നു.

Also Read; ട്രെയിന്‍ പാന്‍ട്രിയില്‍ എലി, വൈറല്‍ വീഡിയോയില്‍ പ്രതികരിച്ച് റെയില്‍വേ