Malayalam 
രണ്ടു വര്ഷമായി ബില്ലുകളില് തീരുമാനമെടുക്കാതെ ഗവര്ണര് എന്തെടുക്കുകയായിരുന്നു?: സുപ്രീം കോടതി
ന്യൂഡല്ഹി: കേരള ഗവര്ണര് ആരിഫ് മുഹമ്മദ് ഖാനെതിരെ കടുത്ത വിമര്ശനവുമായി സുപ്രീം കോടതി. നിയമസഭ പാസാക്കിയ ബില്ലുകളില് തീരുമാനമെടുക്കാന് വൈകിയതിലാണ് ആരിഫ് മുഹമ്മദ് ഖാന് വിമര്ശനം. ബില്ലുകളില് തീരുമാനമെടുക്കാതെ രണ്ടു വര്ഷമായി ഗവര്ണര് എന്തെടുക്കുകയായിരുന്നു എന്നാണ് സുപ്രീം കോടതി ചോദിച്ചത്.
Join with metro post: വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
കൂടാതെ ബില്ലുകള് പിടിച്ചുവയ്ക്കുന്നത് ന്യായീകരിക്കാനാകില്ലെന്ന് കോടതി വ്യക്തമാക്കി. ഗവര്ണര്ക്ക് സര്ക്കാരുകളുടെ അവകാശം അട്ടിമറിക്കാനാകില്ലെന്നും സുപ്രീം കോടതി ചൂണ്ടിക്കാട്ടി. ഏഴു ബില്ലുകള് രാഷ്ട്രപതിയുടെ പരിഗണനയ്ക്ക് അയയ്ക്കാനുള്ള ഗവര്ണറുടെ നടപടിയില് തല്ക്കാലം ഇടപെടുന്നില്ലെന്നും സുപ്രീം കോടതി വ്യക്തമാക്കി. രാഷ്ട്രപതിയുടെ അംഗീകാരത്തിനായി 7 ബില്ലുകള് അയയ്ക്കാന് ഗവര്ണര് ആരിഫ് മുഹമ്മദ് ഖാന് കഴിഞ്ഞ ദിവസമാണ് തീരുമാനിച്ചത്. ചരിത്രത്തിലാദ്യമായാണ് 7 ബില്ലുകള് ഒന്നിച്ചു രാഷ്ട്രപതിക്ക് അയയ്ക്കുന്നത്.
Also Read; കുതിച്ച് സ്വര്ണവില
മുഖ്യമന്ത്രിയും ബില് അവതരിപ്പിച്ച മന്ത്രിയും ഗവര്ണറുമായി കൂടിക്കാഴ്ച നടത്തി ഇപ്പോഴത്തെ പ്രശ്നങ്ങള്ക്കു പരിഹാരം കാണണമെന്നും കോടതി നിര്ദ്ദേശിച്ചു. നിയമസഭ പാസാക്കിയ എട്ടു ബില്ലുകളില് തീരുമാനം എടുക്കുന്നില്ലെന്നു ചൂണ്ടിക്കാട്ടി സംസ്ഥാന സര്ക്കാര് ഗവര്ണര്ക്കെതിരെ നല്കിയ ഹര്ജിയിലാണ് സുപ്രീം കോടതിയുടെ രൂക്ഷ വിമര്ശനം.
