Malayalam 
രാഹുലിന് സസ്പെന്ഷന്; വിശദീകരണം തേടും, തൃപ്തികരമല്ലെങ്കില് പാര്ട്ടിയില് നിന്ന് പുറത്താക്കും
തിരുവനന്തപുരം: യൂത്ത് കോണ്ഗ്രസ് സംസ്ഥാന അധ്യക്ഷ പദവി രാജിവച്ച രാഹുല് മാങ്കൂട്ടത്തിലിനെ പ്രാഥമിക അംഗത്വത്തില് നിന്ന് കോണ്ഗ്രസ് നിന്ന് സസ്പെന്ഡ് ചെയ്തു. സെപ്റ്റംബര് 15ന് തുടങ്ങുന്ന നിയമസഭാ സമ്മേളനത്തില് രാഹുല് പ്രത്യേക ബ്ലോക്കായി ഇരിക്കേണ്ടി വരും. എന്നാല് നിയമസഭാ സമ്മേളനത്തില് പങ്കെടുക്കാതെ രാഹുല് അവധിയില് പ്രവേശിക്കാനാണ് സാധ്യത ഏറെ. ാഥമിക അംഗത്വത്തില് നിന്ന് സസ്പെന്ഡ് ചെയ്യപ്പെട്ട രാഹുലിനോട് കെപിസിസി വിശദീകരണം തേടും. വിശദീകരണം തൃപ്തികരമല്ലെങ്കില് പാര്ട്ടിയില് നിന്നും രാഹുലിനെ പുറത്താക്കാനാണ് നീക്കം.
Join with metro post: വാര്ത്തകള് വേഗത്തിലറിയാന് മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ…
ദുരനുഭവമുണ്ടായെന്ന യുവനടി റിനി ആന് ജോര്ജ്, ട്രാന്സ് വുമണ് അവന്തിക എന്നിവരുടെ വെളിപ്പെടുത്തലിനൊപ്പം പല കോണില്നിന്ന് രാഹുലിനെതിരെ ആരോപണങ്ങള് ഉയര്ന്നിരുന്നു. രാഹുലിനെ സംബന്ധിച്ച നിരവധി പരാതികള് കേന്ദ്ര നേതൃത്വത്തിനും ലഭിച്ചിരുന്നു. തുടര്ന്നു രാഹുല് യൂത്ത് കോണ്ഗ്രസ് സംസ്ഥാന പ്രസിഡന്റ് സ്ഥാനം രാജിവച്ചിരുന്നു. രാഹുല് എംഎല്എ സ്ഥാനവും രാജിവയ്ക്കണമെന്ന് പാര്ട്ടിക്കുള്ളില്ത്തന്നെ അഭിപ്രായം ഉയര്ന്നെങ്കിലും തല്ക്കാലം രാജിയില്ലാതെ പാര്ട്ടിയില്നിന്ന് സസ്പെന്ഡ് ചെയ്യാന് തീരുമാനിക്കുകയായിരുന്നു. എംഎല്എ സ്ഥാനത്തുനിന്ന് രാജിവയ്ക്കില്ലെന്ന് രാഹുലും വ്യക്തമാക്കിയിരുന്നു.
