തമിഴ്നാട്ടില് കാലിടറി എന്ഡിഎ ; ഇന്ഡ്യാ സഖ്യം മുന്നില്
ചെന്നൈ: തമിഴ്നാട്ടില് പണി പാളി ബിജെപി.വോട്ടെണ്ണല് പുരോഗമിക്കുമ്പോള് ഇന്ഡ്യാ സഖ്യം മുന്നേറുകയാണ്. ആദ്യ ഫല സൂചനകളുടെ അടിസ്ഥാനത്തില് 39 സീറ്റുകളില് 38 എണ്ണത്തിലും ഇന്ഡ്യാ മുന്നണി ലീഡ് ചെയ്യുകയാണ്.ബിജെപി തമിഴ്നാട് സംസ്ഥാന അധ്യക്ഷനും കോയമ്പത്തൂരിലെ എന്ഡിഎ സ്ഥാനാര്ത്ഥിയുമായ കെ അണ്ണാമലൈ കളത്തിലിറക്കിയിട്ടും എന്ഡിഎ പിന്നിലാണ്.
ആദ്യ ഘട്ട വോട്ടെണ്ണല് പൂര്ത്തിയാകുമ്പോള് എന്ഡിഎ സഖ്യത്തിന് ധര്മപുരിയില് മാത്രമാണ് ലീഡ് ചെയ്യാനായിട്ടുള്ളത്. തിരഞ്ഞെടുപ്പ് കമ്മീഷന് സൈറ്റില് ലഭ്യമാകുന്ന വിവരങ്ങളുടെ അടിസ്ഥാനത്തില് ഡിഎംകെ(13), കോണ്ഗ്രസ് (6), കമ്യൂണിസ്റ്റ് പാര്ട്ടി (2), സിപിഐ (1), എംഡിഎംകെ (1) സീറ്റിലുമാണ് ലീഡ് ചെയ്യുന്നത്. എന്ഡിഎ സഖ്യത്തിലുള്ള പിഎംകെ ഒരു സീറ്റിലാണ് ലീഡ് ചെയ്യുന്നത്.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
ഡിഎംകെയുടെ ഗണപതി രാജ്കുമാര് ആണ് കോയമ്പത്തൂരില് ലീഡ് ചെയ്യുന്നത്. ജൂണ് ഒന്നിന് പുറത്തുവന്ന എക്സിറ്റ് പോള് ഫലങ്ങള് ഡിഎംകെയുടെ നേതൃത്വത്തില് തമിഴ്നാട്ടില് ഇന്ഡ്യ മുന്നണിയ്ക്ക് വിജയം പ്രവചിച്ചിരുന്നു.