ഇന്ത്യയിലെ 41 നയതന്ത്ര ഉദ്യോഗസ്ഥരെ കാനഡ പിന്വലിച്ചു
മോണ്ട്രിയാല്: ഇന്ത്യയിലെ 41 നയതന്ത്ര ഉദ്യോഗസ്ഥരെ പിന്വലിച്ചതായി കാനഡ. ഇന്ത്യയുടെ നടപടി നയതന്ത്ര ചട്ടങ്ങളുടെ ലംഘനമാണെന്നും ഇന്ത്യയുടെ നിര്ദേശപ്രകാരമാണ് ഉദ്യോഗസ്ഥരെ പിന്വലിച്ചതെന്നും കാനഡ വ്യക്തമാക്കി. കാനഡ തിരിച്ച് അത്തരത്തില് പെരുമാറില്ലെന്നും നയതന്ത്ര ബന്ധം സംബന്ധിച്ച അന്താരാഷ്ട്ര നിയമങ്ങള് പിന്തുടരുമെന്നും വിദേശകാര്യ മന്ത്രി മെലെയ്ന് ജോളി പ്രതികരിച്ചു.
ഇന്ത്യയില് നിന്ന് നയതന്ത്ര ഉദ്യോഗസ്ഥര്ക്കും കുടുംബങ്ങള്ക്കും സുരക്ഷിതമായി കാനഡയില് എത്തുന്നതിന് സൗകര്യമൊരുക്കിയിട്ടുണ്ടെന്ന് വിദേശകാര്യ മന്ത്രി മെലെയ്ന് ജോളി പറഞ്ഞു. അതേസമയം കാനഡ പുറത്താക്കിയ ഇന്ത്യന് ഉദ്യോഗസ്ഥന് ദില്ലിയില് മടങ്ങിയെത്തി
ഖലിസ്ഥാന് നേതാവ് ഹര്ദീപ് സിംഗ് നിജ്ജാര് കാനഡയില് കൊല്ലപ്പെട്ടതില് ഇന്ത്യയ്ക്ക് പങ്കുണ്ടെന്ന കനേഡിയന് പ്രധാനമന്ത്രി ജസ്റ്റിന് ട്രൂഡോയുടെ പരാമര്ശത്തിന് പിന്നാലെയാണ് ഇരു രാജ്യങ്ങളും തമ്മിലുള്ള നയതന്ത്രബന്ധം വഷളായത്.
Also Read; കരിപ്പൂരില് നിന്ന് ഈ മാസം 28 മുതല് രാത്രിയിലും സര്വീസ്
ഖലിസ്ഥാന് അനുകൂലിയുടെ കൊലപാതകം സംബന്ധിച്ച അന്വേഷണത്തില് സഹകരിക്കണമെന്ന് കാനഡ ഇന്ത്യയോട് ആവശ്യപ്പെട്ടിരുന്നു. എന്നാല് ഇന്ത്യ കാനഡയുടെ ആരോപണങ്ങള് തള്ളി. സംഭവവുമായി ബന്ധപ്പെട്ട് കാനഡ ഒരു ഇന്ത്യന് നയതന്ത്രജ്ഞനെ പുറത്താക്കുകയും ചെയ്തിരുന്നു.
Join with metro post: വാർത്തകൾ വേഗത്തിലറിയാൻ Metro Post വാട്സ്ആപ്പ് ചാനലിൽ അംഗമാകൂ