പൃഥ്വിരാജിനെ കേന്ദ്രകഥാപാത്രമാക്കി ബ്ലെസി സംവിധാനം ചെയ്ത ചിത്രമാണ് ആടുജീവിതം. ബെന്യാമിന്റെ നോവലായ ആടുജീവിതത്തെ ആസ്പദമാക്കി ഒരുക്കിയ ചിത്രം ഇപ്പോള്‍ തന്നെ 50 കോടി ക്ലബില്‍ ഇടംപിടിച്ചിട്ടുണ്ട്. ഇതോടെ ഈ ചിത്രം പൃഥ്വിരാജിന്റെ ലൂസിഫറിന്റെ റെക്കോഡ് മറികടന്നിരിക്കുകയാണ്. അതിവേഗം 50 കോടി നേടിയ ചിത്രം എന്ന ലൂസിഫറിന്റെ റൊക്കോഡാണ് ആടുജീവിതം തകര്‍ത്തത്.
പാന്‍ ഇന്ത്യന്‍ റിലീസായ ആടുജീവിതം റിലീസ് ചെയ്ത എല്ലാ കേന്ദ്രങ്ങളില്‍ നിന്നും മികച്ച പ്രതികരണമാണ് ലഭിക്കുന്നത്.

Also Read;റിയാസ് മൗലവി വധം: വിധിക്കെതിരെ സര്‍ക്കാര്‍ അപ്പീലിന്

മാര്‍ച്ച് 28 ന് തിയറ്ററുകളിലെത്തിയ ആടുജീവിതത്തിന്റെ മൂന്ന് ദിവസത്തെ ഇന്ത്യന്‍ ബോക്‌സോഫീസ് കളക്ഷന്‍ 21.6 കോടിയാണ്. പ്രമുഖ ട്രേഡ് അനലിസ്റ്റ് വെബ്സൈറ്റായ സാക്നില്‍ക് പുറത്തുവിട്ട റിപ്പോര്‍ട്ട് പ്രകാരം, മൂന്ന് ദിവസകൊണ്ട് 18.55 കോടിയാണ് ആടുജീവിതത്തിന്റെ മലയാളം പതിപ്പ് സ്വന്തമാക്കിയിരിക്കുന്നത്.

ആടുജീവിതത്തിന് മറ്റുള്ള ഭാഷകളില്‍ നിന്നും മികച്ച പ്രതികരണമാണ് ലഭിക്കുന്നത്. 1.7കോടിയാണ് തമിഴ്‌നാട്ടിലെ മൂന്ന് ദിവസത്തെ കളക്ഷന്‍. തെലുങ്കില്‍ നിന്ന് 1.05 കോടിയും കന്നഡയില്‍ 0.1 കോടിയും ഹിന്ദി പതിപ്പ് 0.2 കോടിയും ചിത്രം സമാഹരിച്ചിട്ടുണ്ട്.

ആടുജീവിതത്തിന്റെ ഓപ്പണിങ് ആഗോള ബോക്‌സോഫീസ് കളക്ഷന്‍ 16.7 കോടിയാണ്. പൃഥ്വിരാജാണ് സോഷ്യല്‍ മീഡിയ പേജിലൂടെ ഒന്നാം ദിവസത്തെ കളക്ഷന്‍ റിപ്പോര്‍ട്ട് പുറത്തുവിട്ടത്.

Join with metro post : വാർത്തകളറിയാൻ Metro Post ന്യൂസ് ഗ്രൂപ്പിൽ Join ചെയ്യാം