പാചക വാതകത്തിന് വിലകൂട്ടി
![](https://metropostkerala.com/wp-content/uploads/2023/11/cooking-cylinder-991x564.jpg)
കൊച്ചി: വാണിജ്യ ആവശ്യങ്ങള്ക്കുള്ള പാചക വാതക സിലിണ്ടര് വില 102 രൂപ വര്ധിച്ചു. വിലവര്ധനവോടെ പുതുക്കിയ വില 1842 രൂപയായി. വാണിജ്യാവശ്യത്തിനായി ഉപയോഗിക്കുന്ന 19 കിലോ സിലിണ്ടറിന്റെ വിലയാണ് എണ്ണ കമ്പനികള് കുത്തനെ ഉയര്ത്തിയത്.
ഹോട്ടല് മേഖലയിലുള്ളവര്ക്ക് സിലിണ്ടര് വില വര്ധിപ്പിച്ചത് തിരിച്ചടിയാകും. ഗാര്ഹിക പാചക വാതക സിലിണ്ടറിന്റെ വിലയില് മാറ്റമില്ല. സാധാരണ എണ്ണകമ്പനികള് ഒന്നാം തീയതി വില പുതുക്കി നിശ്ചയിക്കാറുണ്ട്.
Also Read; നാളെ മുതല് വൈദ്യുതി നിരക്ക് കൂടും
കഴിഞ്ഞ കുറെ ദിവസമായി രാജ്യാന്തര വിപണിയില് ക്രൂഡ് ഓയില് വില ഉള്പ്പെടെ ഉയരുന്ന സാഹചര്യമുണ്ട്. ഇതെല്ലാം കണക്കിലെടുത്താണ് വാണിജ്യാവശ്യത്തിനുള്ള സിലിണ്ടറിന്റെ വില 102 രൂപ കൂടി വര്ധിപ്പിച്ചതെന്നാണ് വിവരം.