കോണ്ഗ്രസിന് കനത്ത തിരിച്ചടിയുമായി ബി ജെ പി
![](https://metropostkerala.com/wp-content/uploads/2023/12/bjp-991x564.jpg)
ജയ്പുര്: നാല് സംസ്ഥാനങ്ങളിലെ നിയമസഭാ തിരഞ്ഞെടുപ്പിന്റെ വോട്ടെണ്ണല് അന്തിമഘട്ടത്തിലേക്ക് കടക്കുമ്പോള് കോണ്ഗ്രസിന് കനത്ത തിരിച്ചടിയുമായി ബി ജെ പി. മധ്യപ്രദേശില് ബഹുദൂരം പിന്നിലാക്കി ബിജെപി വന് മുന്നേറ്റം സൃഷ്ടിക്കുമ്പോള് അധികാരത്തിലിരുന്ന രാജസ്ഥാനും ഛത്തീസ്ഗഢും കൈവിടുന്ന നിലയിലുമാണ്. തെലങ്കാനയിലെ കുതിപ്പ് മാത്രമാണ് കോണ്ഗ്രസിന് ആശ്വസിക്കാന് വകയുള്ളത്. മധ്യപ്രദേശില് അധികാരത്തുടര്ച്ച ഉറപ്പിച്ച ബിജെപി രാജസ്ഥാനിലും ഛത്തീസ്ഗഢിലും കേവല ഭൂരിപക്ഷത്തിലേക്കെത്തിയിട്ടുണ്ട്.
Also Read; വിവാവദങ്ങളൊന്നും ബാധിച്ചില്ല, കത്തിക്കയറി ‘അനിമല്
230 സീറ്റുകളുള്ള മധ്യപ്രദേശില് 116 സീറ്റുകളാണ് കേവലഭൂരിപക്ഷത്തിന് വേണ്ടതെങ്കില് ബിജെപി ഇതിനോടകം 150 സീറ്റുകളില് മുന്നിലാണ്. തിരഞ്ഞെടുപ്പ് കമ്മീഷന്റെ ഔദ്യോഗിക കണക്കുകള് പ്രകാരം 69 സീറ്റുകളിലെ കോണ്ഗ്രസിന് ലീഡുള്ളൂ.