തിരുവനന്തപുരം: സംസ്ഥാനത്ത് ക്രിസ്മസിനോട് അനുബന്ധിച്ച് രണ്ട് ദിവസം ബെവ്‌കോ ഔട്ട്‌ലെറ്റുകളില്‍ നടന്നത് റെക്കോര്‍ഡ് മദ്യവില്‍പന. 152.06 കോടി രൂപയുടെ മദ്യമാണ് ക്രിസ്മസ് ദിനത്തിലും തലേന്നുമായി വിറ്റഴിക്കപ്പെട്ടത്. അതേസമയം കഴിഞ്ഞ വര്‍ഷം ഇതേ ദിവസം 122.14 കോടിയുടെ മദ്യമാണ് വിറ്റഴിക്കപ്പെട്ടത്. അതായത് കഴിഞ്ഞ വര്‍ഷത്തേക്കാള്‍ അപേക്ഷിച്ച് ഇക്കുറി 24.50 ശതമാനത്തിന്റെ വര്‍ധനവാണ് ഉണ്ടായിരിക്കുന്നത്.

Also Read ; മന്‍മോഹന്‍ സിങിന് ആദരം: ഇന്ത്യന്‍ താരങ്ങള്‍ കളത്തിലിറങ്ങിയത് കറുത്ത ആം ബാന്‍ഡ് അണിഞ്ഞ്

ഡിസംബര്‍ 25ന് മാത്രം ബിവറേജസ് ഔട്ട്ലെറ്റുകളിലൂടെ വിറ്റഴിച്ചത് 54.64 കോടി രൂപയുടെ മദ്യമാണ്. കഴിഞ്ഞ വര്‍ഷം ക്രിസ്മസ് ദിനത്തില്‍ ഇത് 51.14 കോടിയുടെ മദ്യമാണ് വിറ്റത്. 2023നേക്കാള്‍ 6.84 ശതമാനത്തിന്റെ വര്‍ധനയാണ് ഇക്കുറി ഉണ്ടായിരിക്കുന്നത്.

ഡിസംബര്‍ 24ന് ഔട്ട്ലെറ്റുകളിലൂടെ 71.40 കോടിയുടെ മദ്യം ഈ വര്‍ഷം വിറ്റിരുന്നു. 26.02 കോടിയുടെ മദ്യം  വെയര്‍ഹൗസുകളിലൂടെയും  വിറ്റു. ഇതോടെ ഡിസംബര്‍ 24ന് മാത്രം വിറ്റത് 97.42 കോടി രൂപയുടെ മദ്യമാണ്. 71 കോടിയുടെ മദ്യമായിരുന്നു 2023ല്‍ വിറ്റത്.

ഓണത്തിനും ബെവ്കോയില്‍ റെക്കോര്‍ഡ് വില്‍പനയായിരുന്നു റിപ്പോര്‍ട്ട് ചെയ്തത്. 124 കോടി രൂപയുടെ മദ്യമായിരുന്നു ഓണത്തിന് കേരളത്തില്‍ വിറ്റഴിക്കപ്പെട്ടത്.

Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില്‍ അംഗമാകൂ..