Malayalam 
ഡീല് വിവാദം; സിപിഐഎമ്മിന്റേത് രാഷ്ട്രീയ പോരാട്ടം, വികസന തുടര്ച്ചയ്ക്ക് ജനം വോട്ട് ചെയ്യും: വീണാ ജോര്ജ്ജ്
പത്തനംതിട്ട: സിപിഎം നടത്തുന്നത് രാഷ്ട്രീയ പോരാട്ടമാണെന്ന് ആരോഗ്യമന്ത്രി വീണാ ജോര്ജ്ജ്. ഡീല് വിവാദത്തില് പ്രതികരിക്കുകയായിരുന്നു മന്ത്രി. വോട്ടിന്റെ കണക്കുകള് നോക്കിയാല് അത് മനസിലാകുമെന്നും വീണാ ജോര്ജ്ജ് പറഞ്ഞു. വികസന തുടര്ച്ചയ്ക്ക് ജനം വോട്ടുചെയ്യുമെന്നും വികസനം കണ്മുന്നിലുണ്ടെന്നും മന്ത്രി പറഞ്ഞു. താന് ജനിച്ചുവളര്ന്ന നാടാണ് ഇതെന്നും കഴിഞ്ഞ തവണത്തേക്കാള് തനിക്ക് ഭൂരിപക്ഷം ഇത്തവണ ലഭിക്കുമെന്നും വീണാ ജോര്ജ് വ്യക്തമാക്കി. പത്തനംതിട്ട ജില്ലയിലെ ആറന്മുള മണ്ഡലത്തിലെ എല്ഡിഎഫ് സ്ഥാനാര്ത്ഥിയാണ് വീണാ ജോര്ജ്.
Join with metro post: വാര്ത്തകള് വേഗത്തിലറിയാന് മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ…
അതേസമയം, സംസ്ഥാനത്തെ വിവിധ നിയമസഭാ മണ്ഡലങ്ങളില് സിപിഐഎമ്മും ബിജെപിയും തമ്മില് ഡീല് ഉണ്ടെന്നാണ് കോണ്ഗ്രസിന്റെയും യുഡിഎഫ് മുന്നണിയുടെയും ആരോപണം. പാലക്കാടുള്പ്പെടെ 10 മണ്ഡലങ്ങളില് ബിജെപിയും സിപിഐഎമ്മും തമ്മില് അവിശുദ്ധ ബന്ധമുണ്ടെന്നാണ് പ്രതിപക്ഷ നേതാവ് വി ഡി സതീശന് ആരോപിച്ചത്.