Malayalam 
വെയിലത്ത് ഓടിച്ചു, അസഭ്യം പറഞ്ഞു; വണങ്കാനില്‍ നടന് സൂര്യക്ക് സംഭവിച്ചത്..
ബാല സംവിധാനം ചെയ്ത വണങ്കാനില്‍ നിന്ന് നടന് സൂര്യ പിന്മാറിയതിന്റെ കാരണം വ്യക്തമാക്കി മാധ്യമ പ്രവര്ത്തകന് ബാലു. നാല്‍പത് ദിവസത്തെ ചിത്രീകരണം പൂര്‍ത്തിയായിതിന് ശേഷമാണ് സിനിമയുടെ നിര്‍മാതാവ് കൂടിയായ സൂര്യ ഈ പ്രോജക്ട് വേണ്ടെന്നു വയ്ക്കുന്നത്. ബാലയുമായി ഒരുതരത്തിലും ഒത്തുപോകാന്‍ സാധിക്കാതെ വന്നതോടെയായിരുന്നു ഇത്. സെറ്റില്‍ വെച്ച് ബാല സൂര്യയെ തല്ലിയതാണ് കാരണമെന്ന തരത്തില്‍ വാര്‍ത്തകളുണ്ടായിരുന്നു. ഇപ്പോള്‍ മാധ്യമപ്രവര്‍ത്തകന്‍ ബാലു അതിന്റെ കാരണം വ്യക്തമാക്കി രംഗത്ത് വന്നത് സമൂഹമാധ്യമങ്ങളില്‍ വൈറലാവുകയാണ്.
”തന്റെ സിനിമയില്‍ അഭിനയിക്കുന്ന താരങ്ങളുടെ വലുപ്പച്ചെറുപ്പം നോക്കാതെ ഇടപഴകുന്ന സംവിധായകനാണ് ബാല. തല്ലിപ്പഴുപ്പിച്ച് ആണെങ്കിലും അഭിനേതാക്കളില്‍നിന്നു വേണ്ടത് ഊറ്റിയെടുക്കുക എന്ന ശൈലിയാണ് ബാല പലപ്പോഴും സ്വീകരിക്കാറ്. സൂര്യയോടും ഇതേ സമീപനം തന്നെയാണ് സംവിധായകന്‍ സ്വീകരിച്ചത്. ഷൂട്ടിങ്ങ് ആരംഭിച്ച അന്ന് മുതല്‍ ഓടാനും ചാടാനും പറയുന്നു. വെയിലത്തു നിര്‍ത്തിയാണ് ഭൂരിഭാഗവും ചിത്രീകരണം. എന്നാല്‍ എന്താണു കഥയെന്നു മാത്രം പറയുന്നില്ല.
ഒടുക്കം സൂര്യ നേരിട്ട് ചോദിച്ചു, ”എന്താണ് സാര്‍ ഇതിന്റെ കഥ”. ഒരു നിര്‍മാതാവ് എന്ന നിലയില്‍ കൂടിയാകാം അത് സൂര്യ ചോദിച്ചത്. ഇത് ബാല ഒരു അപമാനമായി എടുത്തു. പിറ്റേ ദിവസം മുതല്‍ രംഗം കടുത്തു. ബീച്ചില്‍ പൊരിവെയിലത്ത് മണിക്കൂറുകള്‍ സൂര്യയെ ബാല ചെരുപ്പിടാതെ നടത്തിച്ചു.
നൂറുകണക്കിന് ജൂനിയര്‍ ആര്‍ടിസ്റ്റുകളുടെ മുന്നില്‍ വച്ച് ചീത്ത വിളിച്ചു. പോസ്റ്റ് പ്രൊഡക്ഷനും മറ്റുമായി നാല്‍പത് ദിവസത്തോളം ചിത്രീകരണം പൂര്‍ത്തിയായിരുന്നു. കോടികള്‍ സൂര്യയ്ക്കു ചെലവാകുകയും ചെയ്തു. എന്നാല്‍ കാര്യങ്ങള്‍ കൈവിട്ടുപോകുമെന്നായതോടെ വണങ്കാനുമായി മുന്നോട്ട് പോകേണ്ടെന്ന തീരുമാനത്തില്‍ സൂര്യ എത്തി. എന്തായാലും സൂര്യ പിന്‍മാറിയ പടം ഏറെ കഷ്ടപ്പെട്ടാണ് വീണ്ടും ബാല അരുണ്‍ വിജയ്യെ വച്ച് എടുത്തത്. കരിയറില്‍ വലിയൊരു ബ്രേക്ക് ആഗ്രഹിക്കുന്ന അരുണ്‍ എന്തു കഷ്ടപ്പാട് സഹിച്ചും ബാലയുടെ ചിത്രത്തിലെ വേഷം ചെയ്യാന്‍ തയാറായിരുന്നു.” എന്നും ബാലു പറഞ്ഞു.
Also Read; കാല് തുടയ്ക്കാനിട്ട തുണിയില്‍ പാമ്പ്; കടിയേറ്റ് വീട്ടമ്മ മരിച്ചു
അതേസമയം സൂര്യയെ ബാല തല്ലി എന്നത് വെറും കെട്ടുകഥ മാത്രമാണെന്ന് നിര്‍മാതാവ് സുരേഷ് കാമാക്ഷി പറഞ്ഞു. ”തല്ലുണ്ടാകേണ്ട സാഹചര്യമല്ല, അവിടെനിന്ന് എങ്ങനെയെങ്കിലും രക്ഷപ്പെട്ടാല്‍ മതിയെന്ന അവസ്ഥയായിരുന്നു സൂര്യയ്ക്ക്. കാരണം ബാല സാറില്‍നിന്നു പേടിച്ച് ഓടുന്ന അരുണ്‍ വിജയ്യെ ഞാന്‍ നേരിട്ടു കണ്ടതാണ്. സൂര്യ പിന്മാറിയതോടെ ബാലയുടെ ബി സ്റ്റുഡിയോസും സുരേഷ് കാമാക്ഷിയുടെ വി ഹൗസ് പ്രൊഡക്ഷന്‍സും ചേര്‍ന്നാണ് വണങ്കാന്‍ നിര്‍മിച്ചിരിക്കുന്നത്. 18 വര്‍ഷത്തിന് ശേഷം സൂര്യയും സംവിധായകന്‍ ബാലയും ഒന്നിക്കേണ്ട ചിത്രത്തിനാണ് ഇങ്ങനെയൊരു ക്ലൈമാക്‌സ് ഉണ്ടായത്. സൂര്യയ്‌ക്കൊപ്പം മലയാളി താരം മമിത ബൈജുവും സിനിമയില്‍ ഒരു പ്രധാന കഥാപാത്രത്തെ അവതരിപ്പിക്കുന്നുണ്ടായിരുന്നു. കൃതി ഷെട്ടിയായിരുന്നു നായിക. എന്നാല്‍ സൂര്യയും അദ്ദേഹത്തിന്റെ നിര്‍മാണക്കമ്പനിയും പിന്മാറിയതോടെ മമിതയും കൃതിയും പ്രോജക്ട് വേണ്ടന്നുവക്കുകയായിരുന്നു.
