പാലക്കാട്: തൃശൂര്‍ പൂരം അലങ്കോലമാക്കിയത് ആര്‍എസ്എസ് ആണെന്ന വിമര്‍ശനമുയര്‍ത്തി സിപിഐഎം സംസ്ഥാന സെക്രട്ടറി എം വി ഗോവിന്ദന്‍. പൂര വിവാദത്തില്‍ അന്വേഷണം നടക്കുകയാണെന്നും അന്വേഷണത്തിനൊടുവില്‍ ആര്‍എസ്എസ് പൂരം അലങ്കോലമാക്കിയത് പുറത്തുവരുമെന്നും എം വി ഗോവിന്ദന്‍ പ്രതികരിച്ചു. തൃശൂര്‍ പൂരം പൂര്‍ണമായി കലങ്ങിയെന്ന് വരുത്തിത്തീര്‍ക്കാനാണ് ശ്രമിക്കുന്നതെന്നും എം വി ഗോവിന്ദന്‍ കൂട്ടിച്ചേര്‍ത്തു.

Also Read; പാലക്കാട്, ചേലക്കര യുഡിഎഫ് സ്ഥാനാര്‍ത്ഥികള്‍ക്ക് സന്ദര്‍ശനാനുമതി നിഷേധിച്ച് വെള്ളാപ്പള്ളി നടേശന്‍

തൃശൂര്‍ പൂരം വിഷയം ഉപതെരഞ്ഞെടുപ്പില്‍ ഒരു പ്രശ്നമായി ഉയര്‍ത്തുകയാണ് യുഡിഎഫ്. ഇതിലൂടെ വി ഡി സതീശന്‍ ബിജെപിക്ക് സഹായം ചെയ്തുകൊടുത്തു. പൂരം പൂര്‍ണമായി കലങ്ങിയെന്ന് വരുത്തി തീര്‍ക്കാന്‍ ശ്രമിക്കുന്നു. അത് ശരിയല്ലെന്നാണ് മുഖ്യമന്ത്രി പ്രതികരിച്ചതെന്നും എം വി ഗോവിന്ദന്‍ പറഞ്ഞു.

സുരേഷ് ഗോപി പറയുന്നതെല്ലാം ലൈസന്‍സില്ലാത്തത് പോലെയാണെന്നും അദ്ദേഹം വിമര്‍ശിച്ചു. സുരേഷ് ഗോപി ഇപ്പോഴും സിനിമാ സ്റ്റൈലിലാണ്. തന്തയ്ക്ക് പറയുകയാണ് സുരേഷ് ഗോപി. ഇത്തരം വാക്കുകള്‍ സിപിഐഎമ്മിന്റെ ഭാഗത്തുനിന്ന് ആയിരുന്നുവെങ്കില്‍ മാധ്യമങ്ങള്‍ ചര്‍ച്ചയാക്കിയേനെ. കെ സുധാകരന്‍ കൊല്ലുമെന്ന് ഭീഷണിപ്പെടുത്തിയിട്ടും ചര്‍ച്ചയായില്ലെന്നും സിപിഐഎം സെക്രട്ടറി വിമര്‍ശിച്ചു.

Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില്‍ അംഗമാകൂ..