കൊച്ചി: സംസ്ഥാനത്ത് ഓണ്‍ലൈന്‍ തട്ടിപ്പുകളുടെ എണ്ണം ദിനം പ്രതി കൂടികൊണ്ടിരിക്കുകയാണ്. ഇത്തരം ഫ്രോഡുകളുടെ തട്ടിപ്പില്‍ പെടുന്നവരില്‍ വിദ്യാസമ്പന്നരും ഉദ്യോഗസ്ഥരും ഉള്‍പ്പെടെയുണ്ട്. കേരള ഹൈക്കോടതി റിട്ടയേര്‍ഡ് ജസ്റ്റിസ് ശശിധരന്‍ നമ്പ്യാരും ഈ ഓണ്‍ലൈന്‍ തട്ടിപ്പില്‍ കുടുങ്ങി. 90 ലക്ഷം രൂപയാണ് അദ്ദേഹത്തിന് നഷ്ടമായത്. ഓണ്‍ലൈന്‍ ട്രേഡിങ്ങിലൂടെ ലാഭം വാഗ്ദാനം ചെയ്തായിരുന്നു സംഘം തട്ടിപ്പ് നടത്തിയത്. കഴിഞ്ഞ ഡിസംബറിലാണ് സംഭവമുണ്ടായത്. 850 ശതമാനം ലാഭമാണ് സംഘം വാഗ്ദാനം ചെയ്തത്.

Also Read ; ബോചെക്കെതിരായ കുറ്റപത്രം രണ്ടാഴ്ചക്കുള്ളില്‍; ഹണി റോസിന്റെ പരാതിയില്‍ യുട്യൂബ് ചാനലുകള്‍ക്കെതിരെയും നടപടി

ജഡ്ജിയുടെ പരാതിയില്‍ രണ്ടുപേര്‍ക്കെതിരെ തൃപ്പൂണിത്തുറ ഹില്‍ പാലസ് പോലീസ് കേസെടുത്തിട്ടുണ്ട്. ഇദ്ദേഹത്തിന്റെ അനുമതിയില്ലാതെ മൊബൈല്‍ നമ്പര്‍ ഒരു വാട്‌സ്ആപ്പ് ഷെയര്‍ ട്രേഡിങ് ഗ്രൂപ്പില്‍ കൂട്ടിച്ചേര്‍ത്തിരുന്നു. പിന്നീട് ഇതുവഴി ലാഭം വാഗ്ദാനം ചെയ്താണ് തട്ടിപ്പ് നടത്തിയത്. പണം അയക്കാനുള്ള ഒരു ലിങ്ക് ഗ്രൂപ്പില്‍ പങ്കുവയ്ക്കുകയും ജഡ്ജി ഇതുവഴി പണം അയക്കുകയും ചെയ്തു. എന്നാല്‍ ഘട്ടം ഘട്ടമായി ജഡ്ജിയുടെ അക്കൗണ്ടില്‍ നിന്ന് 90 ലക്ഷം രൂപ ഇവര്‍ തട്ടിയെടുത്തുവെന്നാണ് കേസ്.

Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില്‍ അംഗമാകൂ..