Malayalam 
എന്തുകൊണ്ടാണ് ഗാസ ‘ലോകത്തിലെ ഏറ്റവും വലിയ തുറന്ന ജയില്’ എന്ന് അറിയപ്പെടുന്നത്
ഇസ്രയേല്-പലസ്തീന് യുദ്ധത്തിന് പിന്നാലെ കുറച്ച് ദിവസങ്ങളായി വാര്ത്തകളില് ഇടം നേടിയതാണ് ഗാസ മുനമ്പ്. മെഡിറ്ററേനിയന് തീരത്തെ ഇടുങ്ങിയ കരയാണ് ഗാസ മുനമ്പ്. ഹമാസ് പ്രവര്ത്തകരെ തകര്ക്കാന് ഇസ്രായേല് ഗാസയെ അടിച്ചമര്ത്തുമ്പോള്, ഇരു വിഭാഗങ്ങള്ക്കുമിടയിലുള്ള അക്രമണങ്ങളില് കുടുങ്ങിയത് രണ്ട് ദശലക്ഷം വരുന്ന ഗാസയിലെ ജനതയാണ്. സത്യം പറഞ്ഞാല് ഇവര്ക്ക് ഒന്ന് ഓടിയൊളിക്കാന് ഇടമില്ല.
മെഡിറ്ററേനിയന് കടലിനോട് ചേര്ന്ന് കിടക്കുന്ന ഇടുങ്ങിയ ഭൂപ്രദേശമായ ഗാസയുടെ ഒരു വശത്ത് ഇസ്രായേലും മറുവശത്ത് ഈജിപ്തും ഉണ്ട്. പലസ്തീന് സംസ്ഥാനത്തെ ഏറ്റവും വലിയ നഗരത്തിന് 365 ചതുരശ്ര കിലോമീറ്റര് വിസ്തൃതിയുണ്ട്. അതായത് ഡല്ഹിയുടെ നാലിലൊന്ന് വലിപ്പം. 2022 ലെ കണക്കനുസരിച്ച്, ഏകദേശം 2 ദശലക്ഷം ആളുകള് ഗാസയില് താമസിക്കുന്നുണ്ട്. ഗാസയിലേക്ക് രണ്ട് എന്ട്രി, എക്സിറ്റ് പോയിന്റുകള് ഉണ്ട്. വടക്ക് ഇസ്രായേലുമായി എറെസ് ക്രോസിംഗും തെക്ക് ഈജിപ്തുമായുള്ള റഫ ക്രോസിംഗും. ഗാസയുടെ വ്യോമമേഖലയും വെള്ളവും നിയന്ത്രിക്കുന്നത് ഇസ്രായേല് ആണ്.
Also Read;അഖില് സജീവ് നടത്തിയത് തട്ടിപ്പുകളുടെ പരമ്പര: കിഫ്ബിയുടെ പേരില് തട്ടിയത് 10 ലക്ഷം
1967ല് ഇസ്രായേലും അറബ് രാജ്യങ്ങളും തമ്മില് നടന്ന ആറ് ദിവസത്തെ യുദ്ധത്തിന് ശേഷം ഗാസ ഇസ്രായേല് സൈന്യം പിടിച്ചെടുത്തു. അടുത്ത 38 വര്ഷങ്ങളില് ടെല് അവീവ് ഗാസയെ നിയന്ത്രിച്ചു. 2005-ല്, ഗാസ മുനമ്പിലെ സൈനിക അധിനിവേശം ഔദ്യോഗികമായി അവസാനിപ്പിക്കാന് ഇസ്രായേല് തീരുമാനിച്ചു. അടുത്ത വര്ഷം നടന്ന ഫലസ്തീന് പാര്ലമെന്റ് തെരഞ്ഞെടുപ്പില് ഹമാസ് വന് വിജയം നേടി. വോട്ടെടുപ്പില് രണ്ടാം സ്ഥാനത്തെത്തിയ ഹമാസും ഫതഹും ചേര്ന്ന് സഖ്യ സര്ക്കാര് രൂപീകരിച്ചു. എന്നാല് 2007ല് ഗാസയുടെ പൂര്ണ നിയന്ത്രണം ഹമാസ് ഏറ്റെടുത്തതോടെ സര്ക്കാരിന്റെ തകര്ച്ചയ്ക്ക് വഴിയൊരുക്കി.
തൊട്ടടുത്ത വര്ഷം, ഇസ്രായേലും ഹമാസും തമ്മില് മൂന്നാഴ്ച നീണ്ടുനിന്ന യുദ്ധത്തില് ഏകദേശം 1,200 പേര് കൊല്ലപ്പെട്ടു. ഹമാസിനെതിരായ അടിച്ചമര്ത്തലില്, ഇസ്രായേല് ഗാസ നിവാസികളുടെ ജീവിതത്തിന്മേല് കടുത്ത നിയന്ത്രണങ്ങള് ഏര്പ്പെടുത്തി, ടെല് അവീവിന്റെ കടുത്ത നയങ്ങള് മിക്ക ഗാസ നിവാസികളെയും വെസ്റ്റ് ബാങ്കിലേക്ക് പോകുന്നതില് നിന്ന് തടയുന്നു. പലസ്തീനികള് ഈജിപ്ത് വഴി ഗാസയില് നിന്ന് പുറത്തുകടക്കുന്നതില് വലിയ ബുദ്ധിമുട്ടുകളാണ് നേരിടുന്നത്.
ഇസ്രായേല് നേരത്തെ ഗാസയിലെ വിമാനത്താവളം തകര്ത്തിരുന്നു, ഇസ്രായേല് നാവികസേന ഗാസയുടെ തീരപ്രദേശവും നിയന്ത്രിക്കുകയും സമുദ്ര ഉപരോധം ഏര്പ്പെടുത്തുകയും ചെയ്തു. തീരപ്രദേശത്തിന്റെ 11 കിലോമീറ്റര് ചുറ്റളവില് ഗാസക്കാരുടെ പ്രവര്ത്തനങ്ങള് പരിമിതപ്പെടുത്തിയിരിക്കുന്നു. ഇത്തരം നിയന്ത്രണങ്ങള്ക്ക് പിന്നാലെ ഗാസ ‘ലോകത്തിലെ ഏറ്റവും വലിയ തുറന്ന ജയില്’ എന്നും അറിയപ്പെടുന്നു.
Join with metro post: മെട്രോ പോസ്റ്റ് വാട്സാപ്പ് ചാനലില് ജോയിന് ചെയ്യുന്നതിനായി ഇവിടെ ക്ലിക്ക് ചെയ്യുക
