ലോകകപ്പില് ഇന്ത്യ- ഓസ്ട്രേലിയ കലാശപ്പോരാട്ടം
![](https://metropostkerala.com/wp-content/uploads/2023/11/india-991x564.jpg)
കൊല്ക്കത്ത: 2023 ഏകദിന ലോകകപ്പില് ഇന്ത്യ- ഓസ്ട്രേലിയ കലാശപ്പോരാട്ടം. സെമിഫൈനലില് ദക്ഷിണാഫ്രിക്കയെ തകര്ത്തെറിഞ്ഞ് ഓസ്ട്രേലിയ ഫൈനലിലെത്തി. ദക്ഷിണാഫ്രിക്ക ഉയര്ത്തിയ 213 റണ്സെന്ന വിജയലക്ഷ്യം ഓസീസ് വെറും 46. ഓവറില് ഏഴ് വിക്കറ്റ് നഷ്ടത്തില് മറികടന്നു. കൊല്ക്കത്തയിലെ ഈഡന് ഗാര്ഡന്സില് നടന്ന മത്സരത്തില് മൂന്ന് വിക്കറ്റിന്റെ വിജയമാണ് പാറ്റ് കമ്മിന്സും സംഘവും സ്വന്തമാക്കിയത്.
മറുപടി ബാറ്റിങ്ങില് ഭേദപ്പെട്ട തുടക്കമായിരുന്നു ഓപ്പണര്മാരായ ട്രാവിസ് ഹെഡും ഡേവിഡ് വാര്ണറും ഓസീസിന് സമ്മാനിച്ചത്. ഓപ്പണിങ് വിക്കറ്റില് 60 റണ്സ് കൂട്ടിച്ചേര്ക്കാന് ഇരുവര്ക്കും കഴിഞ്ഞു. ഏഴാം ഓവറിലെ ആദ്യ പന്തില് ഡേവിഡ് വാര്ണറെ ബൗള്ഡാക്കി ഐഡന് മാര്ക്രം ദക്ഷിണാഫ്രിക്കക്ക് ബ്രേക്ക്ത്രൂ നല്കി. 18 പന്തില് നിന്ന് നാല് സിക്സും ഒരു ബൗണ്ടറിയുമടക്കം 29 റണ്സെടുത്താണ് വാര്ണര് മടങ്ങിയത്. വണ് ഡൗണായി എത്തിയ മിച്ചല് മാര്ഷിനെ കഗിസോ റബാദ അധികം വൈകാതെ ഡക്കാക്കി മടക്കി.
Also Read; പ്രതിഷേധം ഫലം കണ്ടു, നൂറനാട് മണ്ണെടുപ്പ് നിര്ത്തിവെക്കും
മാര്ഷിന് പകരക്കാരനായി എത്തിയ സ്റ്റീവ് സ്മിത്തിനെ കൂട്ടുപിടിച്ച് ട്രാവിസ് ഹെഡ് പോരാട്ടം തുടര്ന്നു. അതിനിടയില് താരം അര്ധസെഞ്ച്വറി തപൂര്ത്തിയാക്കി. 15-ാം ഓവറില് ട്രാവിസ് ഹെഡിനെ കേശവ് മഹാരാജ് ക്ലീന് ബൗള്ഡാക്കി. 48 പന്തില് നിന്ന് ഒന്പത് ബൗണ്ടറികളും രണ്ട് സിക്സുമടക്കം 62 റണ്സായിരുന്നു ഹെഡിന്റെ സമ്പാദ്യം. ഓസീസ് സ്കോര് 100 കടത്തിയാണ് ട്രാവിസ് ഹെഡ് പവലിയനിലെത്തിയത്.