യാത്രക്കാര്‍ കൈ കാണിച്ചാല്‍ കെഎസ്ആര്‍ടിസി നിര്‍ത്തി കൊടുക്കണമെന്ന് ഗതാഗതമന്ത്രി കെ.ബി ഗണേഷ് കുമാര്‍. യാത്രക്കാര്‍ കൈകാണിച്ചാല്‍ വണ്ടി നിര്‍ത്താത്ത കെഎസ്ആര്‍ടിസി ഡ്രൈവര്‍മാര്‍ ഇപ്പോഴും ഉണ്ട്. അതുകൊണ്ട് എല്ലാ ബസിലും ക്യാമറ സ്ഥാപിക്കാന്‍ തീരുമാനിച്ചെന്നും മന്ത്രി അറിയിച്ചു. യാത്രക്കാര്‍ കൈകാണിച്ചിട്ടും വണ്ടി നിര്‍ത്താതെ പോയാല്‍ ടിക്കറ്റിന്റെ കാശ് ഡ്രൈവര്‍ തരേണ്ടി വരുമെന്നും മന്ത്രി മുന്നറിയിപ്പു നല്‍കി.

Also Read; പോലീസിന്റെ കായിക ചുമതലയില്‍ നിന്ന് എം ആര്‍ അജിത് കുമാറിനെ മാറ്റി; പകരം ചുമതല എസ് ശ്രീജിത്തിന്

‘നിങ്ങളുടെ പ്രശ്‌നങ്ങള്‍ എങ്ങനെ പരിഹരിക്കാം എന്ന് എന്നെക്കാള്‍ നന്നായി ഒരു ട്രേഡ് യൂണിയനും പറയില്ല. പ്രതിസന്ധിയില്‍ നിന്ന് കരകയറാന്‍ നിങ്ങള്‍ എന്നോടൊപ്പം നില്‍ക്കണം. ആദ്യം ജീവനക്കാരുടെ ആനുകൂല്യങ്ങള്‍ കൊടുക്കാനാണ് ആഗ്രഹം. കെഎസ്ആര്‍ടിസി ലാഭത്തില്‍ ആക്കാം എന്ന പ്രതീക്ഷ എനിക്കില്ല. നഷ്ടം കുറയ്ക്കലാണ് ലക്ഷ്യം. ഇപ്പോള്‍ വരവിനെക്കാള്‍ കൂടുതല്‍ ചെലവ് ആണെന്നും ഗതാഗത മന്ത്രി പറഞ്ഞു.

Join with metro post: വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില്‍ അംഗമാകൂ..