Malayalam 
ഇറാന് ഒരു വലിയ തെറ്റ് ചെയ്തു, അതിന്റെ അനന്തരഫലങ്ങള് അവര് അനുഭവിക്കും, തിരിച്ചടിക്കുമെന്ന് ബെഞ്ചമിന് നെതന്യാഹു
ടെല് അവീവ്: ഇറാന്റെ മിസൈല് ആക്രമണത്തെ പരാജയപ്പെടുത്തിയതിന് പിന്നാലെ ഇറാനെതിരെ താക്കീതുമായി ഇസ്രയേല് പ്രധാനമന്ത്രി ബെഞ്ചമിന് നെതന്യാഹു. ഇറാന് രാത്രി ഒരു വലിയ തെറ്റ് ചെയ്തു. അതിനുള്ള മറുപടി കൊടുക്കുമെന്നും അദ്ദേഹം വ്യക്തമാക്കി. സ്വയം പ്രതിരോധിക്കാനുള്ള നിശ്ചയദാര്ഢ്യവും ശത്രുക്കള്ക്കെതിരെ തിരിച്ചടിക്കാനുള്ള ഇസ്രയേലിന്റെ ദൃഢനിശ്ചയവും ഇറാനിലെ ഭരണകൂടത്തിന് മനസിലാകുന്നില്ല, ഈ തെറ്റിന് ഇറാന് വലിയ വില കൊടുക്കേണ്ടി വരുമെന്നും അദ്ദേഹം വ്യക്തമാക്കി.
Also Read ; ഇറാന്റെ മിസൈല് ആക്രമണത്തിന് പിന്നാലെ ടെല് അവീവിന് സമീപം വെടിവെപ്പ് ; എട്ട് പേര്ക്ക് ജീവന് നഷ്ടമായി
തങ്ങളുടെ പ്രവര്ത്തനങ്ങളുടെ അനന്തരഫലങ്ങള് ഇറാന് ഉടന് അനുഭവിക്കുമെന്നും പ്രതികരണം വേദനാജനകമാകുമെന്നും ഇസ്രായേലിന്റെ യുഎന് പ്രതിനിധി പറഞ്ഞതായി വാര്ത്താ ഏജന്സിയായ റോയിട്ടേഴ്സ് റിപ്പോര്ട്ട് ചെയ്തു. അതേസമയം അമേരിക്ക ഇസ്രയേലിനെ പൂര്ണമായി പിന്തുണയ്ക്കുന്നുവെന്ന് യുഎസ് പ്രസിഡന്റ് ജോ ബൈഡനും അറിയിച്ചു. ഇസ്രയേല് എങ്ങനെ പ്രതികരിക്കണമെന്ന് മാധ്യമപ്രവര്ത്തകരുടെ ചോദ്യത്തിന്, അത് ഇപ്പോള് സജീവമായ ചര്ച്ചയിലാണെന്നും നെതന്യാഹുവുമായി സംസാരിക്കുമെന്നും അദ്ദേഹം കൂട്ടിച്ചേര്ത്തു.
അതേസമയം, ഇസ്രയേലില് മിസൈല് ആക്രമണം നടത്തിയതിന് പിന്നാലെ മുന്നറിയിപ്പുമായി ഇറാനും രംഗത്ത് വന്നിരുന്നു. ഇത് ഇസ്രയേലിനെതിരെയുള്ള ശക്തമായ പ്രതികരണമാണ്. തിരിച്ചടിച്ചാല് പ്രത്യാക്രമണം രൂക്ഷമാകുമെന്നാണ് മുന്നറിയിപ്പ്. യഥാക്രമം എല്ലാം നടപ്പിലാക്കി. സയണിസ്റ്റ് ഭരണകൂടത്തിന്റെ ഭീകരപ്രവര്ത്തനങ്ങളോടുള്ള ഇറാന്റെ നിയമപരവും നിയമാനുസൃതവുമായ പ്രതികരണമാണിത്.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
സയണിസ്റ്റ് ഭരണകൂടം പ്രതികരിക്കാനോ കൂടുതല് ദ്രോഹപ്രവര്ത്തനങ്ങള് നടത്താനോ ധൈര്യപ്പെടുകയാണെങ്കില്, തുടര്ന്നും പ്രതികരണം ഉണ്ടാകുമെന്നും ഇറാന് വ്യക്തമാക്കി. യുഎസിനും ഇറാന് മുന്നറിയിപ്പ് നല്കുന്നുണ്ട്. ഏതെങ്കിലും ശത്രുതാപരമായ നടപടികളില് അമേരിക്ക ഇടപെടുകയോ എന്തെങ്കിലും ബോംബിംഗ് പ്രവര്ത്തനങ്ങള് നടത്തുകയോ ചെയ്താല്, ഇറാഖിലെയും പ്രദേശത്തെയും എല്ലാ അമേരിക്കന് താവളങ്ങളും ലക്ഷ്യമിടുമെന്നാണ് യുഎസിനുള്ള മുന്നറിയിപ്പ്.
