കൊച്ചി: നടി മാല പാര്‍വതിയുടെ പരാതിയില്‍ കേസെടുത്ത് പോലീസ്. സൈബര്‍ അധിക്ഷേപത്തിനെതിരെയാണ് നടി പരാതി നല്‍കിയത്. സംഭവത്തില്‍ ‘ഫിലിമി ന്യൂസ് ആന്റ് ഗോസിപ്‌സ്’ എന്ന യൂട്യൂബ് ചാനലിനെതിരെയാണ് പോലീസ് കേസെടുത്തത്. യൂട്യൂബ് ചാനല്‍ വഴി വ്യാജ അശ്ലീല ചിത്രം പ്രചരിപ്പിച്ചെന്നാണ് പരാതി. കൂടാതെ വീഡിയോക്ക് താഴെ മോശം കമന്റിട്ടവര്‍ക്കെതിരെയും നടി പരാതി നല്‍കിയിട്ടുണ്ട്. അതിലും കേസെടുത്തിട്ടുണ്ട്. തിരുവനന്തപുരം സിറ്റി സൈബര്‍ പോലീസാണ് പരാതിയില്‍ കേസെടുത്തത്.

Also Read ; പെരിയ ഇരട്ടക്കൊല ; മുന്‍ എംഎല്‍എ അടക്കം നാല് സിപിഎം നേതാക്കളുടെ ശിക്ഷാവിധി സ്റ്റേ ചെയ്തു

സമാനമായ പരാതി കഴിഞ്ഞ ദിവസം ഹണിറോസും പരാതി നല്‍കിയിരുന്നു. സൈബര്‍ അധിക്ഷേപത്തിനും മോശം കമന്റിട്ടതിനും താരം നല്‍കിയ പരാതിയില്‍ പോലീസ് പ്രത്യേക അന്വേഷണ സംഘത്തെയും രൂപീകരിച്ചു. കൂടാതെ നടി ബോബി ചെമ്മണ്ണൂരിനെതിരെയും പരാതി നല്‍കിയിരുന്നു. പരാതിയില്‍ ബോബി ചെമ്മണ്ണൂരിനെ പോലീസ് കസ്റ്റഡിയിലെടുത്തിട്ടുണ്ട്.

Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില്‍ അംഗമാകൂ..