Malayalam 
പയ്യന്നൂരില്‍ പൊലീസിനു നേരെ ബോംബെറിഞ്ഞ കേസ്; സിപിഎം സ്ഥാനാര്‍ത്ഥിക്ക് 20 വര്‍ഷം കഠിന തടവ്
കണ്ണൂര്‍: പയ്യന്നൂരില്‍ പൊലീസിനു നേരെ ബോംബെറിഞ്ഞ കേസില്‍ സിപിഎം സ്ഥാനാര്‍ത്ഥിക്ക് 20 വര്‍ഷം കഠിന തടവ്. പയ്യന്നൂര്‍ നഗരസഭ 46-ാം വാര്‍ഡ് പുതിയങ്കാവിലെ എല്‍ഡിഎഫ് സ്ഥാനാര്‍ത്ഥി പയ്യന്നൂര്‍ കാറമേല്‍ വി കെ നിഷാദിനെയും വെള്ളൂര്‍ ടി സി വി നന്ദകുമാര്‍ എന്നിവരെയാണ് കോടതി ശിക്ഷിച്ചത്.
പട്ടാപ്പകല്‍ പൊലീസുകാരെ ബോംബെറിഞ്ഞ് കൊലപ്പെടുത്താന്‍ ശ്രമിച്ചു എന്ന കേസിലാണ് കോടതി വിധി.
നടിയെ ആക്രമിച്ച കേസ് അന്തിമഘട്ടത്തില്‍; ഡിസംബര്‍ 8ന് വിധി പറയും
ബോംബ് കൈവശം വെച്ചതിന് അഞ്ചു വര്‍ഷം കഠിന തടവ്, പൊലീസുകാര്‍ക്കെതിരെ ബോംബെറിഞ്ഞതിന് 10 വര്‍ഷം കഠിന തടവ്, വധശ്രമക്കേസില്‍ 5 വര്‍ഷം കഠിന തടവ് എന്നിങ്ങനെ 20 വര്‍ഷം കഠിന തടവാണ് ശിക്ഷ വിധിച്ചത്. ഡിവൈഎഫ്ഐ കണ്ണൂര്‍ ജില്ലാ കമ്മിറ്റി അംഗമാണ് പ്രതിയായ വി കെ നിഷാദ്. 2012 ഓഗസ്റ്റ് ഒന്നിനാണ് കേസിന് ആസ്പദമായ സംഭവം നടക്കുന്നത്. പയ്യന്നൂര്‍ എസ്‌ഐ ആയിരുന്ന കെ പി രാമകൃഷ്ണന്റെ വാഹനത്തിന് നേരെ ബൈക്കില്‍ എത്തി ബോംബെറിഞ്ഞ കേസിലാണ് ഇവരെ കുറ്റക്കാരാണെന്നു കണ്ടെത്തിയത്.
