Malayalam 
‘സതീശിന് പിന്നില് താനാണെന്ന് വരുത്തി തീര്ക്കുകയാണ്’ കൊടകര കുഴല്പ്പണക്കേസില് തനിക്കെതിരെ ഉയര്ന്ന ആരോപണങ്ങളോട് പൊട്ടിത്തെറിച്ച് ശോഭാ സുരേന്ദ്രന്
തിരുവനന്തപുരം: കൊടകര കുഴല്പ്പണക്കേസില് തനിക്കെതിരെ ഉയര്ന്ന ആരോപണങ്ങളോട് പൊട്ടിത്തെറിച്ച് ബിജെപി നേതാവ് ശോഭാസുരേന്ദ്രന്. തിരൂര് സതീശിന് പിന്നില് താനാണെന്ന് വാര്ത്തകള് വരുന്നുണ്ട്. തനിക്കെതിരെ പുറത്തുവരുന്ന ആരോപണങ്ങളെല്ലാം തെറ്റാണ്. രേഖയില്ലാതെയാണ് തനിക്കെതിരെ വലിയ ആരോപണം ഉന്നയിക്കുന്നത്. സതീശിന്റെ പിറകില് ശോഭയാണെന്ന് ചാര്ത്തി നല്കുകയാണ്. മാധ്യമങ്ങള് തനിക്കെതിരെ തെറ്റായ ആരോപണങ്ങള് ഉന്നയിക്കുകയാണ്. തന്റെ ജീവിതം വെച്ച് കളിക്കാന് ഒരാളെയും ഞാന് അനുവദിക്കില്ലെന്നും ശോഭ സുരേന്ദ്രന് രൂക്ഷഭാഷയില് പ്രതികരിച്ചു.
മുന് എല്ഡിഎഫ് കണ്വീനര് ഇപി ജയരാജനെതിരെയും ശോഭ ആരോപണമുന്നയിച്ചു. ഇപി ജയരാജന് തനിക്കെതിരെ പ്രവര്ത്തിക്കുന്നു. കേരളത്തില് മുഖ്യമന്ത്രി ഏറ്റവും വലിയ ഡോണായി പ്രവര്ത്തിക്കുന്നുവെന്നും ശോഭ കുറ്റപ്പെടുത്തി. ശോഭ കേരളത്തില് ഉണ്ടാകരുതെന്ന് ആഗ്രഹിക്കുന്ന ആളാണ് പിണറായി. വീണ വിജയന്റെ കൂട്ടുകാരിയാണ് കണ്ണൂരിലെ ദിവ്യയെന്നും ശോഭാസുരേന്ദ്രന് ആരോപിച്ചു.
Join with metro post: വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
