Malayalam 
കടുവയെ തിരയാന് കുങ്കിയാനകളും ഡ്രോണുകളും; മാനന്തവാടിയില് യുഡിഎഫ്, എസ്ഡിപിഐ ഹര്ത്താല് ആരംഭിച്ചു
വയനാട്: മാനന്തവാടി പഞ്ചാരക്കൊല്ലിയിലെ ആളെക്കൊല്ലി കടുവക്കായി വനം വകുപ്പ് ഇന്നും തിരച്ചില് ഊര്ജിതമാക്കും. കൂടുതല് ആര്ആര്ടി സംഘത്തെ വനത്തിലെത്തിക്കും. തെര്മല് ഡ്രോണ് ഉപയോഗിച്ചും തിരച്ചില് തുടരും. കൂടാതെ മുത്തങ്ങയില് നിന്നുള്ള കുങ്കിയാനകളെയും തിരച്ചിലിനായി സ്ഥലത്ത് എത്തിക്കും. ഡോക്ടര് അരുണ് സഖറിയയുടെ നേതൃത്വത്തിലുള്ള പ്രത്യേക സംഘവും ഉടന് സ്ഥലത്തെത്തും. പ്രദേശത്ത് കടുവക്കായി ഇന്നലെ തന്നെ കൂട് സ്ഥാപിച്ചിരുന്നു.
അതേസമയം കടുവയുടെ ആക്രമണത്തില് മരിച്ച രാധയുടെ മൃതദേഹം ഇന്ന് സംസ്കരിക്കും. രാവിലെ 11 മണിക്കായിരിക്കും സംസ്കാര ചടങ്ങുകള് നടക്കുക. മാനന്തവാടി മെഡിക്കല് കോളേജില് ഇന്നലെ പോസ്റ്റുമോര്ട്ടം പൂര്ത്തിയാക്കിയിരുന്നു. വന്യജീവി ആക്രമണത്തിനെതിരെ യുഡിഎഫ് പ്രഖ്യാപിച്ച ഹര്ത്താല് തുടങ്ങി. രാവിലെ ആറു മുതല് വൈകിട്ട് 6 വരെ മാനന്തവാടി മുന്സിപ്പാലിറ്റി മേഖലയിലാണ് ഹര്ത്താല്. എസ്ഡിപിഐയും പ്രദേശത്ത് ഹര്ത്താല് പ്രഖ്യാപിച്ചിട്ടുണ്ട്. അതേസമയം മാനന്തവാടിക്ക് പിന്നാലെ വൈത്തിരിയിലും കടുവയെ കണ്ടെന്ന് നാട്ടുകാര് അവകാശപ്പെട്ടത് ആശങ്ക ആയിട്ടുണ്ട്. സ്ഥലത്ത് വനം വകുപ്പ് ഉദ്യോഗസ്ഥര് തെരച്ചില് നടത്തുന്നുണ്ട്.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
