Malayalam 
സ്കൂള് വിദ്യാര്ഥികള്ക്ക് ലൈഫ് ഇന്ഷുറന്സുമായി സര്ക്കാര്, പദ്ധതി അടുത്ത അധ്യയനവര്ഷം മുതല്
തിരുവനന്തപുരം: 35 ലക്ഷത്തോളം സ്കൂള് വിദ്യാര്ഥികള്ക്ക് ലൈഫ് ഇന്ഷുറന്സ് പരിരക്ഷ നല്കാന് കേരളം ഒരുങ്ങുന്നു. സര്ക്കാര്, എയ്ഡഡ്, അണ് എയ്ഡഡ് സംസ്ഥാന സിലബസ് സ്കൂളുകളില് പഠിക്കുന്ന ഒന്നുമുതല് പത്തുവരെയുള്ള ക്ലാസുകളിലെ വിദ്യാര്ഥികള്ക്ക് ഇന്ഷുറന്സ് പരിരക്ഷ നല്കാനാണ് തീരുമാനം.
ദുരന്തബാധിതരെ അന്വേഷിക്കണം, കരൂരിലേക്ക് പോകാന് അനുമതി തേടി വിജയ്
അടുത്ത അധ്യയനവര്ഷം മുതല് നടപ്പാക്കാന് ഉദ്ദേശിക്കുന്ന ഈ പദ്ധതിയില് എല്ലാ വിദ്യാര്ഥികളുടെയും ഇന്ഷുറന്സ് പ്രീമിയം സര്ക്കാര് അടയ്ക്കും. സ്കൂളുകളില് ആവര്ത്തിച്ചുണ്ടാകുന്ന അപകടത്തിന്റെ പശ്ചാത്തലത്തിലും കഴിഞ്ഞവര്ഷം കൊല്ലം തേവലക്കര ബോയ്സ് ഹൈസ്കൂളില് 13 വയസുകാരന് മിഥുന് ഷോക്കേറ്റ് മരിക്കുകയും ചെയ്തിരുന്നതിന്റെയും അടിസ്ഥാനത്തിലാണ് നീക്കം. പദ്ധതിയുമായി ബന്ധപ്പെട്ട് വിദ്യാഭ്യാസമന്ത്രി വി ശിവന്കുട്ടി ധനമന്ത്രി കെ എന് ബാലഗോപാലുമായി കൂടിക്കാഴ്ചനടത്തി.
