തൃശൂര്‍: തൃശൂര്‍ ചാമക്കാലയില്‍ വയോധികയുടെ കണ്ണില്‍ മുളകുപൊടി വിതറി മാല പൊട്ടിക്കാന്‍ ശ്രമിച്ച യുവതിയെ പോലീസ് അറസ്റ്റ് ചെയ്തു. ചാമക്കാല രാജീവ് റോഡ് സ്വദേശി തലാശേരി വീട്ടില്‍ സുബിത(34)യെയാണ് കയ്പമംഗലം പോലീസ് അറസ്റ്റ് ചെയ്തത്. കൊച്ചിക്കാട്ട് വീട്ടില്‍ സത്യഭാമയുടെ മാലയാണ് സുബിത പൊട്ടിച്ചത്. വെള്ളിയാഴ്ച രാവിലെയാണ് സംഭവമുണ്ടാകുന്നത്. മാലപൊട്ടിച്ച ശേഷം സത്യഭാമയുടെ കണ്ണില്‍ മുളകുപൊടി വിതറി രക്ഷപ്പെടാനായിരുന്നു സുബിതയുടെ പദ്ധതി. എന്നാല്‍ വീട്ടമ്മ ഒച്ചവെച്ചതോടെ പ്രതി മാല ഉപേക്ഷിച്ച് രക്ഷപ്പെടുകയായിരുന്നു. തുടര്‍ന്ന് പോലീസ് നടത്തിയ അന്വേഷത്തിലാണ് പ്രതിയെ പിടികൂടിയത്. കോടതിയില്‍ ഹാജരാക്കിയ സുബിതയെ റിമാന്റ് ചെയ്തു.

Join with metropost :വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില്‍ അംഗമാകൂ..