Malayalam 
വയനാട് ഉരുള്പൊട്ടല്; പുനരധിവാസം വൈകുന്നു, കളക്ട്രേറ്റിന് മുന്നില് ദുരിതബാധിതരുടെ പ്രതിഷേധം
കല്പ്പറ്റ: വയനാട് ചൂരല്മലയിലേയും,മുണ്ടക്കൈയിലേയും ഉരുള്പൊട്ടല് ദുരന്തബാധിതര് കളക്ടറേറ്റിന് മുന്നില് ധര്ണ നടത്തുന്നു. ജനശബ്ദം ആക്ഷന് കമ്മിറ്റിയുടെ നേതൃത്വത്തിലാണ് പ്രതിഷേധം സംഘടിപ്പിച്ചത്. ദുരന്തബാധിതര്ക്കായുള്ള
പുനരധിവാസം വൈകുന്നത് ഉള്പ്പെടെ വിഷയങ്ങള് ഉന്നയിച്ചാണ് ഒരു വിഭാഗം പ്രതിഷേധിക്കുന്നത്.ഉരുള്പൊട്ടല് ദുരന്തം ഉണ്ടായി മൂന്ന് മാസം പൂര്ത്തിയാകുമ്പോഴാണ് ദുരന്തബാധിതര് സമര രംഗത്ത് ഇറങ്ങുന്നത്. മൂന്ന് വാര്ഡുകളിലെ മുഴുവന് ആളുകളെയും ദുരന്തബാധിതരായി പ്രഖ്യാപിക്കണമെന്നും സമരസമിതി ആവശ്യപ്പെടുന്നുണ്ട്. കേന്ദ്രസര്ക്കാര് ഉടന് പാക്കേജ് അനുവദിക്കണമെന്നും ആക്ഷന് കമ്മിറ്റി ആവശ്യപ്പെട്ടിട്ടുണ്ട്.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
